Сосема е нормално децата од време на време да почувствуваат стомачни болки или да имаат одредени дигестивни проблеми како што се запек, грчеви или дијареја. Меѓутоа, децата со хронична воспалителна болест на цревата постојано имаат силни болки во стомакот и дијареја кои траат долго и постојано се враќаат, пренесува „Kids Health“.
Воспалителната болест на цревата кај децата предизвикува воспаление на одредени делови од цревата, а тоа е хронична состојба, што значи дека не постои лек. Како што објаснуваат педијатрите, постојат два вида на хронично воспалително заболување на цревата, а тоа се Кронова болест и улцерозен колитис.
Педијатрите објаснуваат дека децата со воспалителна болест на цревата не можат да ги добијат сите хранливи материи од исхраната и затоа растат побавно. Исто така, тие често влегуваат во пубертет подоцна од нивните врсници
Иако точната причина се уште не е медицински потврдена, се чини дека воспалението е предизвикано од реакцијата на организмот на содржината на цревата, најверојатно на цревната флора која го населува дигестивниот систем на детето. Најчестите симптоми се првенствено гореспоменатите абдоминални болки и дијареја, додека други вклучуваат:
- крв во столицата,
- покачена температура,
- недостаток на енергија,
- ненадејно, необјаснето губење на тежината.
Педијатрите објаснуваат дека децата со воспалителна болест на цревата не можат да ги добијат сите хранливи материи од исхраната и затоа растат побавно. Исто така, тие често влегуваат во пубертет подоцна од нивните врсници. Воспалителната болест на цревата кај децата може да предизвика други проблеми кои не се строго поврзани со цревата. Тоа се промени како што се осип, проблеми со очите, болки во зглобовите и артритис и проблеми со црниот дроб.
