Многу родители ги изложуваат своите деца на ризик од сериозни болести додека се капат, без воопшто да се свесни за тоа. Експертите велат дека играчките за капење често се полни со опасни бактерии, најчесто со E. coli и Staphylococcus aureus.
„Научните студии покажаа дека во многу играчки се задржува вода, што предизвикува раст на клици и бактерии. Тоа може да вклучува легионела и некои таканаречени супербактерии кои можат да бидат отпорни на лекови“, објаснува експертот за хигиена Џенифер Шо.
Една од главните причини за насобирање на бактерии е тоа што играчките за капење често имаат мали дупки кои дозволуваат водата да влезе, но тешко е да се испразнат целосно и не дозволуваат играчката да се исуши. Токму оваа постојана влага, заедно со топлата средина во бањата, создава идеално тло за размножување на бактерии.
Експертите велат дека играчките за капење често се полни со опасни бактерии, најчесто со E. coli и Staphylococcus aureus
„Децата често ги ставаат играчките за капење во устата или се прскаат со нив, зголемувајќи го ризикот од изложеност на различни здравствени проблеми. Тие може да вклучуваат гастроинтестинални инфекции, респираторни проблеми и иритации на кожата“, истакна Шо.
Ако сакате да спречите инфекција, обидете се да ги затворите дупките на играчките, чистете ги редовно и натопете ги во алкохолен оцет. Оставете ги играчките да се исушат на воздух и редовно менувајте ги.
