Ако е можно, најдобро е одлуката за избор на педијатар да ја донесете пред самото породување. Додека сте бремена, имате доволно време да се распрашате кај своите познаници или едноставно некои од детските лекари да ги запознаете и така да си олесните изборот. Личниот контакт може да ви олесни при донесувањето одлука кој ќе биде избран лекар на вашето малечко.
Прашајте ги другите мајки
Прашајте ги мајките во чекалната за нивното мислење за педијатарот. Самиот разговор нема премногу да ви открие за стручноста на одредениот лекар, но таквите информации може да ви помогнат во проценката, кој евентуално би бил најдобар лекар на вашето дете. На основа на искуството на другите мајки може да дознаете колку педијатарот е трпелив, нежен, подготвен да ве ислуша и објасни она што ве интересира, што е многу важно. Секако, вие подоцна и сами, во текот на прегледите на детето, постепено ќе откриете дали сте го направиле вистинскиот избор.
Не бидете пасивен учесник во лекувањето на детето
Важно е да се напомене дека ние како родители, не можеме да ги преиспитуваме одлуките на лекарот, ако и самите немаме некакво знаење за болестите и нивното лекување. Не го обвинувајте педијатарот што не му дал антибиотик на детето… можеби станува збор за вирусна инфекција кога антибиотик и не помага. Но, во процесот на лекување не смеете да бидете пасивен учесник. Секогаш бидете подготвени да слушнете совет од лекарот, да соработување со него, да учите за своето дете и неговот здравје.
Во случај нешто да не ви биде јасно, побарајте објаснување. Имајте на ум дека ако не сте задоволно од избраниот педијатар, секогаш можете картонот да го префрлите кај друг лекар.
