Ако ви е позната барем една од овие ситуации, тоа значи дека добро знаете како изгледа тинејџерскиот инат. Може да бидат кавгаџии, склони кон преприки, често воопшто не слушаат она што им го зборувате и се однесуваат како вие за нив да не сте никаков авторитет. Прават се што е во нивна моќ да тераат по свое и може да бидат многу ирационални со своите желби и идеи.
Но, сето ова веќе го знаете. Прашањето што се поставува е: Што може да направите околу ова? Еве неколку корисни идеи:
- Не реагирајте премногу емотивно
Кога вашиот тинејџер е вознемирен, тој (или таа) сака и вие исто да се чувствувате. Речиси се што прави во тие моменти може да биде целосно свесен обид да ве изнервира. Ќе сакаат да видите како му е и ќе направи се за да добие силна реакција од вас.
Ви звучи познато? Па, како што веројатно знаевте, најдоброто решение во такви ситуации е и најтешко – не се фаќајте на јадицата. Но, немојте да бидете ниту иронични. Избројте до 10, секогаш имајте на ум дека дете, тинејџер, се обидува да ве изнервира, а вие возрасна и зрела личност треба да спречите дискусијата да прерасне во жестока расправија. Се додека и самите не паднете во огнот, имате шанса да дојдете до разумно решение, заедно.
- Бидете реални
Тинејџерот нема секогаш да се однесува разумно. Можеби ќе сака да го добие она што го замислил и ни трошка помалку од тоа. Ако и самите се препуштите на емоциите, може да се случи и вашата способност да разговарате значајно да се намалу и да претерате со ограничувањата кон детето. Дури и кога нема неправда, тинејџерите веруваат дека има, па уште и ако навистина претерате со казнувањето, тоа ќе создаде дополнителен раздор меѓу вас и работите лесно ќе излезат од контрола.
Ако во дискусија за некоја тема точно знаете каде е границата и што сте спремни да дозволите, не врз основа на емоции туку врз основа на разумот, тогаш држете се до тоа. Иако може да биде многу тешко да одолеете на емоционалната реакција кога вашиот тинејџер свесно ја провоцира, тоа не е начин да се справите со ситуации како оваа.
- Поставете граници и цели
Важно е за вашите очекувања да разговарате со вашето дете. Нагласете дека кога ќе им дозволите нешто за што сакаат, а за што претходно сте размислувале, очекувате да бидат одговорни. Дајте им до знаење дека нивната способност да го одржат зборот и да го почитуваат договорот е директно поврзана со вашата меѓусебна доверба.
Кога ќе одлучите да ги пуштите да одат на забава и ќе им кажете да бидат дома до 11, нека знаат дека тоа е точно 11. Не 11:15, туку времето кога сте се договориле. Кога ќе сфатат дека тоа се моментите во кои градат доверба и дека постепено ќе добијат поголема независност доколку покажат дека го почитуваат договорот, ќе се обидат тоа и да го постигнат.
- Нека знаат дека сте на нивна страна
Дури и кога треба да им скусите нешто што навистина го сакаат, обидете се да ги убедите дека се уште сте на нивна страна. Тоа веројатно нема да биде лесно. Но, ако нстапите без осуди и критики, туку со искрена грижа за нивната благосостојба, можете да се надевате на нешто помалку бурна реакција бидејќи на тој начин не сте ја загрозиле нивната независност до тој степен. Ако ситуацијата сепак ескалира, колку помалку си самите се препуштите на лутината, толку повеќе поставувате добар модел на однесување на вашето дете.
И додека сето ова сигурно не гарантира дека вашиот тинејџер преку ноќ ќе ги надрасне “бубачките“ и ќе стане разумно дете, сепак ова се чекори кои, ако доследно и трпеливо ги применувате, можат да помогнат во поголем процент од ситуациите да спречат работите да ескалираат, а со текот на времето да воспоставите добар однос.
