Ако имате темпераментно дете, би можело да ви се исплати да го вклучите гушкањето во неговата рутина пред спиење, сугерира една нова студија. Истражувачите откриле дека пасивните трикови кои му помагаат на детето да заспие, како што се гушкање, пеење и читање, се позитивно поврзани со темпераментот на детето.
Од друга страна, активностите како пешачење, возење или играње со детето имаат негативен ефект, заклучил тим од меѓународни научници кои дошле до овој заклучок врз основа на анализа на 841 родител од 14 земји. Сите имале деца на возраст меѓу 17 и 40 месеци. Од родителите било побарано да наведат каков е темпераментот на нивното дете и да одговорат на прашањето кои техники ги користат за да го поттикнат детето да заспие.
Од друга страна, активностите како пешачење, возење или играње со детето имаат негативен ефект, заклучил тим од меѓународни научници кои дошле до овој заклучок врз основа на анализа на 841 родител од 14 земји. Сите имале деца на возраст меѓу 17 и 40 месеци
Земјите во кои родителите најмногу користеле пасивни трикови пред спиење се САД, Финска и Холандија, додека Романија, Шпанија и Чиле се на врвот на листата кога станува збор за користење на активни техники.
„Нашата студија покажува дека техниките за спиење на родителите се многу поврзани со детскиот темперамент во различни култури, што потенцијално влијае на нивниот развој. На пример, земјите со поголемо потпирање на пасивни стратегии имале мали деца со повисоки резултати за друштвеност“, вели еден од авторите на студијата, Кристи Фам од Државниот универзитет во Вашингтон.
Резултатите од студијата се објавени во списанието „Frontiers in Psychology“.
