Истражувањата покажуваат дека возрасните мажи со брада се доживуваат како посилни, постари, помажествени, поздрави, подобри родители, попривлечни во однос на мажите кои ја бричат својата брада. А, децата? Тие ги гледаат малку поинаку.
Во студијата на д-р Никол Нелсон на Универизтетот во Кливленд учествувале 470 деца на возраст од 2 до 17 години, на кои им биле покажувани фотографии од мажи со брада и без брада, а децата ги опишувале по одредени критериуми.
Резултатите покажале дека децата брадестите мажи ги сметаат за помаженствени, посилни, им изгледаат постаро, но ги сметаат за помалку привлечни и не ги доживуваат како личности на кои може да им веруваат. Интересно е дека децата чии татковци имаат или имале брада, таквите мажи ги сметаат за “потопли“.
“Децата на две години веќе знаат дека брадата не им се допаѓа, а како растат, до 13.година, се помалку им се допаѓа. Помалите деца брадата ја поврзуваат со сила, но мажите со брада не им делуваат како лица на кои може да им веруваат“, вели д-р Нелсон.
