ПИШУВА:
Катерина Шекеровска-Димовска
katerina@pedijatar.mk
Од 6-8 мај во хотелот „Дрим“ во Струга ќе се одржи СИМПОЗИУМОТ „НОВИНИТЕ ВО НЕВРОЛОГИЈАТА, ОСВРТ НА ПАНДЕМИЈАТА И СО КОИ НАСОКИ ПОНАТАМУ“, во организација на Македонското невролошко здружение (МНЗ), кој на едно место и во исто време ќе обедини еминентни домашни и странски експерти, кои ќе дискутираат на најактуелните теми и новини од областа на неврологијата. Претстојниот стручен настан широко ја отвора вратата и ги враќа назад на сцената овие настани, кои во изминатите 2,5 години се одржуваа онлајн. За тоа како течат последните подготовки, каква е програмата и други детали врзани со симпозиумот разговаравме со проф. д-р Драгана Петровска-Цветковска, специјалист невролог (ЈЗУ Универзитетска клиника за неврологија) и Претседател на Македонското невролошко здружение.
Неврологијата е наука која на научно ниво расте, како во светски рамки така и во Македонија. Секако со оглед на обемноста на оваа медицинска гранка невозможно е се да се опфати во временска рамка на симпозиумот, па затоа ќе следат нови настани. Македонското невролошко здружение има многу висока соработка со меѓународните невролошки здруженија, па така програмата е збогатена со реномирани експерти од Србија, Турција и Бугарија. На огромно задоволство наши гости ќе бидат и лично претседателите на овие здруженија
Д-р Петровска-Цветковска, при крај се подготовките за симпозиумот „Новините во неврологијата, осврт на пандемијата и со кои насоки понатаму“, кој ќе се одржи од 6-8 мај во хотелот „Дрим“ во Струга. Возбудата и очекувањата оваа година, чинам се поинтензивни, првенствено затоа што стручната фела со нетрпение ги очекува новините, и секундарно, затоа што се враќаме кон одржување на стручни настани со физичко присуство, што му дава дополнителен, комплетен шмек на симпозиумот. После 2,5 години одново учиме како да се однесуваме „во живо“ ха, ха, ха… Каков е Вашиот впечаток и како се одвививаат подготовките досега?
Проф. д-р Петровска-Цветковска: Подготовките течат во најдобар ред, благодарение на успешниот и моќен тим кој деноноќно работи во реализација на овој стручен настан. Се разбира сите сме возбудени за претстојниот настан, од една основна причина што цели 2,5 години не сме се собрале на едно место да размениме мислења, знаења, па и понекоја шега што ги прави овие собири убави. Секако, Македонското невролошко здружение (МНЗ), за целото време на пандемијата организираше онлајн преку дваесетина стручни состаноци, а изминатата година организиравме Конгрес и прв симпозиум „Новини во неврологијата“, а претстои во мај во Струга и вториот симпозиум. Планираме секоја наредна година да организираме симпозиум во кој ќе ги пренесеме новините во неврологијата.
Овие собири се со една основна цел – и на секундарно и на терциерно ниво да се даде адекватна, согласно медицина базирана на докази од страна на секој специјалист, здравствена нега и третман на невролошките болести
Што е она што е на „менито“ на Симпозиумот, беше ли тешко да се конципира програмата со оглед на обемноста на неврологијата како медицинска гранка, и да се обезбедат еминентни експерти?
Проф. д-р Петровска-Цветковска: Програмата е едноставно да се конципира бидејќи неврологијата е наука која на научно ниво расте, како во светски рамки така и во Македонија. Секако со оглед на обемноста на оваа медицинска гранка невозможно е се да се опфати во таа временска рамка, па затоа ќе следат нови настани. МНЗ има многу висока соработка со меѓународните невролошки здруженија, па така програмата е збогатена со реномирани експерти од Србија, Турција и Бугарија. На огромно задоволство наши гости ќе бидат и лично претседателите на овие здруженија.
Една држава мора да ја планира иднината на здравството со проекција од најмалку 10 години. Како Клиника и Катедра имаме голема среќа да имаме млади ентузијасти специјализанти кои со љубов ја работат секојдневно деноноќно работата и грижата околу пациентите на Клиниката. Од се срце се надевам дека понатамошната своја кариера ќе ја продолжат во матичната држава доколку секако таа им даде услови за квалитетен живот, особено што се работи за највисоката интелектуална класа на едно општество. Тие се нашата иднина и затоа целосно се вложувам да ги бодрам, мотивирам и едуцирам. Затоа се ставени рамноправно со нас, постарите – професорите 🙂
Неизбежна и клучна тема е секако Ковид-19 инфекцијата и нејзиното влијание врз невролошкиот систем. Во кратки црти: што прави и какви последици остава на организмот?
Проф. д-р Петровска-Цветковска: Ковид-19 пандемијата предизвикана од SARS-CoV-2 вирусот, несомнено е примарно респираторно заболување, кое прави мултисистемски оштетувања кај заболениот, а во услови на пандемија говориме за огромна бројка на пациенти. Со самото тоа и нашето искуство е огромно. Ковид-19 инфекцијата предизвикува како невролошки манифестации (намален вкус, намален мирис, вртоглавица, болки во мускули и коски, главоболка и др.) така и невролошки компликации (венски и артериски тромбози на мозочни крвни садови, мозочни крвавења, воспаленија на периферните нерви и централниот нервен систем, деменции и екстрапирамидни манифестации). Изминатиот симпозиум од мултидисциплинарен аспект навистина детално почнувајќи од имунолошките базични податоци, преку инфектолозите и пулмолозите до интернистите од различни супспецијалности, ги разработивме сите мултисистемски нарушувања и последици.
Паркинсонова болест, СМА, мозочни удари, невромускуларни нарушувања, епилепсија… Кои сè теми ќе бидат обработени во Струга?
Проф. д-р Петровска-Цветковска: Како што напоменав, невозможно е се да се опфати, но она што е особено актуелно и кај кое има новитети ќе биде обработено на симпозиумот во Струга. Ќе дискутираме за тераписки пристап во почетна и напредната фаза на Паркинсонова болест со осврт на она што го немаме во нашата држава, а тоа е длабока мозочна стимулација. Акцент ќе дадеме и на ретките болести, како што е СМА кај која имаме револуционерни поместувања на план на терапијата. Она што доминира во нашата клиничка пракса се мозочните удари и во оваа сесија ќе го образложиме мултидисциплинарниот пристап кај пациенти со исхемичен мозочен удар. Мултипла склероза е болест која за жал ја афектира младата популација и во две големи сесии од страна на реномирани супспецијалисти од Србија и Турција ќе бидат детално образложени спектрумите на демиелинизирачките болести, дијагнозата и терапијата. Опфатени се во научната програма и болните синдроми кои се неизбежен дел од животот на секого, а секако и епилепсијата со осврт на рефракторните форми кај кои единствен начин за третман е оперативниот, кој исто така не се изведува во нашата држава (презентирано од реномиран неврохирург од Турција).
Ковид-19 инфекцијата предизвикува како невролошки манифестации (намален вкус, намален мирис, вртоглавица, болки во мускули и коски, главоболка и др.) така и невролошки компликации (венски и артериски тромбози на мозочни крвни садови, мозочни крвавења, воспаленија на периферните нерви и централниот нервен систем, деменции и екстрапирамидни манифестации
Дел од симпозиумот се и работилниците, како и сесијата на млади невролози. Горко прашање, но имаме ли доволно млад кадар, млади доктори кои својата иднина ја гледаат во земјава?
Проф. д-р Петровска-Цветковска: Искрено една држава мора да ја планира иднината на здравството со проекција од најмалку 10 години. Како Клиника и Катедра имаме голема среќа да имаме млади ентузијасти специјализанти кои со љубов ја работат секојдневно деноноќно работата и грижата околу пациентите на Клиниката. Од се срце се надевам дека понатамошната своја кариера ќе ја продолжат во матичната држава доколку секако таа им даде услови за квалитетен живот, особено што се работи за највисоката интелектуална класа на едно општество. Тие се нашата иднина и затоа целосно се вложувам да ги бодрам, мотивирам и едуцирам. Затоа се ставени рамноправно со нас, постарите – професорите 🙂
За крај, дозволете ми да Ви посакам успешен симпозиум, нови искуства и контакти, кои понатаму ќе резултираат со нови стручни настани, чиј бенефит, секако, ќе го почувствуваат пациентите…
Проф. д-р Петровска-Цветковска: Ви благодарам од се срце на издвоеното време и простор да ги споделите овие информации со Вашите читатели и останатите наши колеги. Секако овие собири се со една основна цел – и на секундарно и на терциерно ниво да се даде адекватна, согласно медицина базирана на докази од страна на секој специјалист, здравствена нега и третман на невролошките болести.
