ПИШУВА:
Катерина Шекеровска-Димовска
katerina@pedijatar.mk
„НОВИНИ ВО ПЕДИЈАТРИСКА ПУЛМОЛОГИЈА” е темата на третиот симпозиум организиран од Педијатриско респираторно здружение (ПЕДИАРЕС), кој ќе се одржи од 25 до 27 април во хотелот „Дрим“ во Струга. На симпозиумот ќе бидат претставени теми и проблеми, но и најсовремена дијагностика и терапија од повеќе области – пулмологија, имунологија, гастроентерологија, алергологија, оториноларингологија, хирургија, а ќе презентираат врвни предавачи од земјата и странство, кои ќе ги изнесат своите искуства и ставови во дијагностика и лечење на бројни патолошки состојби. Симпозиумот е акредитиран од страна на Лекарска комора на С. Македонија (ЛКРСМ).
За тоа како течат подготовките, како е конципирана програмата, кои се имињата на предавачите, какви работилници се планирани и кој е воопшто најголемиот предизвик при организирањето на еден ваков настан, разговараме со проф. д-р Татјана Јаќовска, претседател на Педијатриско респираторно здружение (ПЕДИАРЕС).
Специфичните педијатриски проблеми како респираторни инфекции, превенција на инфекциите, детската астма, атопичниот дерматит, латентната туберкулоза, пореметувањата на дишење кај најмалата популација, конгенитални аномалии, проблеми со аденоиди, бронхоскопија како најважен инвазивен третман на туѓите тела, оперативни зафати на белодробните проблеми, сите болести кои се поврзани со белодробните хронични болести се многу важни за рана дијагноза и третман
По одлично организираните симпозиуми „Хронична кашлица кај деца и асоцирани болести“ и „Алергии во детската возраст“, најавувате нов, трет по ред симпозиум на Педијатриското респираторно здружение (ПЕДИАРЕС) што ќе се одржи во хотелот „Дрим“ во Струга во периодот од 25 до 27 април 2025 година. Која е темата и како течат подготовките?
Проф. д-р Јаќовска: Темата се новини во педијатриската пулмологија, многу е важно секогаш да ги следиме новите трендови во медицината, особено во педијатријата и секако во пулмологијата како најчеста патологија во детската возраст.
Како е конципирана програмата и кои области ќе бидат опфатени?
Проф. д-р Јаќовска: Специфичните педијатриски проблеми како респираторни инфекции, превенција на инфекциите, детската астма, атопичниот дерматит, латентната туберкулоза, пореметувањата на дишење кај најмалата популација, конгенитални аномалии, проблеми со аденоиди, бронхоскопија како најважен инвазивен третман на туѓите тела, оперативни зафати на белодробните проблеми, сите болести кои се поврзани со белодробните хронични болести се многу важни за рана дијагноза и третман. Овој пат ќе имаме и сеопфатен и посебен осврт на ретката болест цистична фиброза кој ќе се реализира преку искуствата на колегите од регионот.
Најавувате врвни предавачи од земјава и странство, кои ќе ги изнесат своите искуства и ставови во дијагностика и лечење на бројни патолошки состојби. Можете ли да ни откриете дел од нивните имиња?
Проф. д-р Јаќовска: Повторно ќе дојдат експерти како проф. д-р Анѓелка Стојковиќ, директор на Педијатриска болница во Крагуевац, експерт за алергологија и цистична фиброза, проф. д-р Марина Атанасковиќ-Марковиќ од Универзитетската детска клиника „Тиршова“, експерт од областа на алергологија и имунотерапија, претседател на Алерголошкото српско здружение, проф. д-р Гергана Стојанова, директор на Клиниката по педијатрија „Александровска“ и претседател на Бугарското педијатриско респираторно здружение, нутриционисти, експерти за имунотерапија и секако наши експерти од оваа област.
Симпозиумот е наменет за сите оние доктори кои сакаат да се запознаат со новините во пулмологијата, на проблемите при дијагноза, начините за третман. Темата е широкоопфатна и за млади доктори како и за супспецијалисти од оваа област. Секако се опфатени и фармацевти, дерматовенеролози, пулмолози, семејни лекари, матични лекари, ОРЛ-специјалисти, хирурзи и др.
Темите кои ќе бидат опфатени за време на симпозиумот се ЦФ/ТБЦ, алергологија, пулмологија, респираторни инфекции, пореметување во дишење, микробиологија/антибиотици, микробиом/пробиотици, хирургија/ОРЛ.
Најголемиот предизвик се децата, особено доенчињата, тие не можат да кажат што им се случува, што ги боли, какви проблеми имаат. Педијатрите се најважната карика од здравствениот систем, најмалите ни се огледало на општеството. Најважен е нивниот развој и раст, а за тоа се потребни педијатри кои навреме ќе препознаат кои проблеми ги имаат децата и како да ги третираат. Затоа треба да имаме новини, да ги запознаеме докторите, да се поврземе сите педијатриски респираторни здруженија од регионот со цел добро здравје на децата
Симпозиумот има за цел да обедини професионалци од различни медицински дисциплини, поттикнувајќи ги на размена на знаења и искуства за подобрување на здравјето на децата. Овој мултидисциплинарен пристап е клучен за постигнување на повисоко ниво на здравствена заштита. За кого е наменет симпозиумот?
Проф. д-р Јаќовска: Симпозиумот е наменет за сите оние доктори кои сакаат да се запознаат со новините во пулмологијата, на проблемите при дијагноза, начините за третман. Темата е широкоопфатна и за млади доктори како и за супспецијалисти од оваа област. Секако се опфатени и фармацевти, дерматовенеролози, пулмолози, семејни лекари, матични лекари, ОРЛ-специјалисти, хирурзи и др.
Темата на симпозиумот се новините во педијатриската пулмологија, многу е важно секогаш да ги следиме новите трендови во медицината, особено во педијатријата и секако во пулмологијата како најчеста патологија во детската возраст
Дали се планирани практични работилници или интерактивни сесии што ќе им овозможат на учесниците подобро разбирање на новите техники и пристапи?
Проф. д-р Јаќовска: Планирани се работилници за цистична фиброза и про и конс дискусии за најчестите респираторни болести како бронхиолити и пертусис, за кои ќе зборуваат искусни експерти од регионот и од кај нас.
Што е најголемиот предизвик при организирањето на еден ваков настан и какви се Вашите очекувања?
Проф. д-р Јаќовска: Предизвикот е да се организира научен собир со експерти кои ќе споделуваат најнови знаења и каде ќе има размена на искуства, да помогнеме на младите доктори да слушнат нови препораки за терапија, нови начини за дијагноза, да се направат контакти каде би можеле колегите да се обратат и посетат центри каде ќе стекнат поголемо искуство.
Кои се најчестите предизвици со кои се соочуваат педијатриските пулмолози во дијагностицирањето и третманот на респираторните заболувања кај децата?
Проф. д-р Јаќовска: Најголемиот предизвик се децата, особено доенчињата, тие не можат да кажат што им се случува, што ги боли, какви проблеми имаат. Педијатрите се најважната карика од здравствениот систем, најмалите ни се огледало на општеството. Најважен е нивниот развој и раст, а за тоа се потребни педијатри кои навреме ќе препознаат кои проблеми ги имаат децата и како да ги третираат. Затоа треба да имаме новини, да ги запознаеме докторите, да се поврземе сите педијатриски респираторни здруженија од регионот со цел добро здравје на децата.
Убаво е во април да се биде во Струга, мирот и свежината покрај реката Дрим, погледот кон езерото и улиците исполнети со историја и култура, создаваат уникатна атмосфера. Верувам дека оваа инспиративна средина ќе придонесе за поопуштена и продуктивна атмосфера, па покрај богатиот распоред на активности на симпозиумот, оттука ќе произлезат и нови професионални контакти и пријателства. На крај, која е Вашата порака до сите кои размислуваат да бидат дел од симпозиумот?
Проф. д-р Јаќовска: Се надевам дека присуството и професионалниот интерес за новините ќе придонесат за успешна реализација на планираните активности. Симпозиумот секако ќе биде и можност за воспоставување нови професионални контакти и пријателства.
