Дали неодамна прележавте Ковид? Во тој случај можеби ќе сакате да го исчистите замрзнувачот.
Една нова студија сугерира дека братучедите на вирусот САРС-КоВ-2 можат да преживеат на замрзнато месо и риба до 30 дена.
Истражувањето – поттикнато од избувнувањето на Ковид во Азија каде се сомневаше дека спакуваното месо е извор на вирусот – беше спроведено на замрзнато пилешко, говедско, свинско месо и лосос. Наодите беа објавени на 11 јуни во „Applied and Environmental Microbiology“, списание на Американското здружение за микробиологија.
„Иако можеби нема да го чувате месото во фрижидер 30 дена, би можеле да го чувате во замрзнувач толку долго“, вели првата авторка Емили Бејли, доцент по јавно здравје на Универзитетот Кембел во Бајс Крик.
Нејзиниот тим го спроведе истражување без употреба на вистинскиот коронавирус што предизвикува КОВИД-19. Наместо тоа, истражувачите се потпираа на сурогат вируси со слични шилести протеини.
Во студијата биле користени три соеви на вируси како сурогати, вклучително и два животински коронавируса. Сите три биле користени како придружни во претходните студии за САРС-КоВ-2
Овие слични вируси беа ставени на замрзнато месо и риба, кои потоа се чуваа на температури во фрижидер (4 степени целзиусови) и на температура во замрзнувач (-4 степени целзиусови).
„Дури откривме и дека вирусите можат да се култивираат откако биле замрзнати толкаво време“, рече Бејли во соопштение.
Истражувачите рекоа дека нивните наоди се значајни бидејќи САРС-КоВ-2 може да се репродуцира во цревата, а не само во респираторниот тракт каде повеќето луѓе ги чувствуваат неговите ефекти.
Во студијата биле користени три соеви на вируси како сурогати, вклучително и два животински коронавируса. Сите три биле користени како придружни во претходните студии за САРС-КоВ-2.
Истражувачите открија дека вирусите не се однесуваат толку добро на температури во обичен фрижидер за разлика од температурите во замрзнувач. Бројките се разликувале и според видот на храна.
Тие рекоа дека оваа студија ја нагласува важноста на ригорозните санитарни услови за време на бербата, транспортот, пакувањето и дистрибуцијата на прехранбените производи.
„Потребни се континуирани напори за да се спречи контаминација на храната и површините за преработка на храната, рацете на работниците и приборот за преработка на храна, како што се ножевите“, напишаа авторите, додавајќи дека треба да се адресира и дезинфекцијата на храната пред пакувањето.
