Тим од психолози и специјалисти за ментално здравје поврзани со неколку институции во Данска, а во соработка со колеги од Обединетото Кралство, открија дека намалувањето на времето поминато пред екранот на децата на само три часа неделно може да доведе до значителни подобрувања во нивното ментално здравје.
Во трудот, објавен во журналот „JAMA Network Open“, групата опишува како спровела рандомизирано клиничко испитување во кое биле вклучени 89 семејства и влијанието на намалувањето на времето поминато пред екраните на електронските уреди.
Истражувачкиот тим открил значителни подобрувања во социјалните вештини на децата, вклучително и намалување на проблемите во однесувањето и во справувањето со емоционалните прашања
Претходните истражувања сугерираа дека децата поминуваат долго време користејќи електронски уреди – без разлика дали тоа го прават за гледање филмови или видеа, за вклучување во социјални медиуми или за играње видеоигри – и тоа има тенденција да доведе до проблеми со менталното здравје како што се асоцијално однесување и тешкотии со справување со емоциите.
Претходните истражувања сугерираа дека децата во Данска поминуваат во просек од 7 до 8 часа користејќи ги нивните лични електронски уреди секој ден; статистика која сугерира дека повеќето деца прават малку други работи освен што одат на училиште и играат на своите телефони, лаптопи или компјутери.
Во оваа нова студија, истражувачкиот тим испитувал дали одземањето на таквите активности ќе го подобри менталното здравје, и ако е така, колку брзо тоа би можело да се случи. За да дознаат, тие спроведоа клиничко испитување во кое учествуваа 89 семејства во кои беа вклучени 181 дете од 10 градови во Данска.
Претходните истражувања сугерираа дека децата поминуваат долго време користејќи електронски уреди – без разлика дали тоа го прават за гледање филмови или видеа, за вклучување во социјални медиуми или за играње видеоигри – и тоа има тенденција да доведе до проблеми со менталното здравје како што се асоцијално однесување и тешкотии со справување со емоциите
Испитувањето вклучувало тестирање на сите деца во студијата користејќи „прашалник“ за да дознаат повеќе за нивните социјални вештини, општо однесување, емоционална стабилност и целокупно ментално здравје.
Потоа, по случаен избор, тие побарале од сите деца во 45 од семејствата (останатите биле во контролната група) да ја ограничат нивната употреба на електронски уреди на само три часа неделно (не вклучувајќи ја употребата на училиште), во период од две недели, а видеомонитори биле инсталирани во домовите на учесниците со цел да се обезбеди усогласеност.
Потоа, од сите деца било побарано повторно да го пополнат истиот прашалник за да се види дали има некакви разлики.
Истражувачкиот тим открил, како што опишаа, значителни подобрувања во социјалните вештини на децата, вклучително и намалување на проблемите во однесувањето и во справувањето со емоционалните прашања. (Medical Xpress)
