Неодамнешна студија спроведена од истражувачите од Универзитетот во Торонто, Универзитетот Тиндејл и Универзитетот во Тексас во Арлингтон откри дека постарите лица имаат поголем ризик од мозочен удар доколку како деца доживеале развод на своите родители.
Децата на разведени родители имаат 61 % поголема веројатност да доживеат мозочен удар подоцна во животот, сугерира истражувањето. Експертите анализирале податоци од 13.000 Американци на возраст над 65 години, од кои 14 % доживеале развод на родителите за време на нивното детство.
Авторите на студијата, објавена онлајн во списанието „PLOS One“, велат дека не е јасно зошто постои врската помеѓу разводот на родителите и мозочниот удар, но претпоставуваат дека причина може да бидат и биолошки и социјални фактори
На секој деветти човек чии родители се развеле подоцна му бил дијагностициран мозочен удар, во споредба со еден од 15 од оние чии родители останале во брак.
Мери Кејт Шилке, предавач по психологија на канадскиот универзитет Тиндејл, рече: „Нашата студија покажува дека дури и откако ќе се земат предвид повеќето познати фактори на ризик поврзани со мозочниот удар – вклучувајќи пушење, физичка неактивност, пониски приходи и образование, дијабетес, депресија и ниска социјална поддршка – оние чии родители се развеле сепак имале 61 % поголеми шанси да доживеат мозочен удар“.
Истражувачите ги исклучиле луѓето кои имале историја на злоупотреба во детството, но откриле дека ефектот останува дури и кога луѓето се чувствуваат безбедно дома.
Авторите на студијата, објавена онлајн во списанието „PLOS One“, велат дека не е јасно зошто постои врската помеѓу разводот на родителите и мозочниот удар, но претпоставуваат дека причина може да бидат и биолошки и социјални фактори.
Овој настан од детството бил поврзан со 61 % поголем ризик од мозочен удар
„Од перспектива на биолошко вградување, разводот на родителите за време на детството може да доведе до постојано високи нивоа на хормони на стрес,“ вели Есме Фулер-Томсон, професорка на Факултетот за социјална работа „Фактор-Инвенташ“ и директорка на Institute of Life Course and Aging при Универзитетот во Торонто.
„Доживувањето на ова како дете може да има трајни последици врз мозокот кој е во развој и способноста на детето да одговори на стрес.“
Сугерираното влијание на разводот врз ризикот од мозочен удар е слично по големина на ефектот од дијабетес тип 2 или депресија.
Проф. Фулер-Томсон додаде: „Треба да ги расветлиме механизмите кои можат да придонесат за оваа асоцијација. Иако овие типови на студии засновани на анкети не можат да утврдат причинско-последични врски, се надеваме дека нашите конзистентни наоди ќе инспирираат други да ја истражуваат оваа тема.“
