Доењето е еден од најтешките делови на мајчинството, но неговите предности се неколкукратни не само за бебето, туку се одлични и за мајката. Најново истражување покажало дека доењето го намалува обемот на половината кај мајката.
Во истражувањето “Исходи од бременоста и здравјето во општеството“ на Универзитетот во Питсбург и Мичиген, учествувале 700 жени, кои биле следени седум до 15 години откако родиле.
Резултатите покажале дека мајките кои доеле повеќе од шест месеци, имале потенка половина за четири сантиметри во споредба со половината на мајки кои престанале да дојат по шестиот месец или порано.
Освен тоа, мајките кои подолго доеле, имале и помал обем на колковите. Истражувачите ги земале предвид возраста, расата или етничката припадност, компликациите во бременоста, социоекономскиот статус и факторите на здравиот начин на живот.
