Мајчинството и грижите одат рака под рака. И ништо не може да се спореди со постојаната состојба на загриженост во која се нашле сите мајки во првата година од животот на бебето. Всушност, мајките поминуваат повеќе од 1400 часа грижејќи се за здравјето на нивните новороденчиња во текот на првата година, стои во најновото истражување на OnePoll. Тоа е повеќе од осум недели поминати само во грижи.
Бројни се информациите, и колку и некогаш да ви е потребна помош, од друга страна може да направи и одредена штета. Во просек, една мајка на Гугл и Интернет за здравјето на бебето пребарува 330 пати, 337 пати се јавува или пишува пораки на нејзината мајка за симптомите што ги има бебето и што тие значат.
Природно е да се чувствувате како да не сте подготвени за родителство, но бидете сигурни дека овој период на неизвесност не е ништо ново. Да се стане мајка значи да сте фрлена на неистражена територија и само да научите да ја живеете.
Се прашувате што најмногу ги загрижува новите мајки кога станува збор за здравјето на бебето?
Истражувањето открило дека родителите најмногу се грижат за целокупното здравје на нивното дете. Останатите грижи што следуваат се дали бебето ги достигнува главните пресвртници во вистинската возраст, дали бебето добива доволно млеко или млечна формула и дали бебето расте и се развива правилно.
Според истражувањето, алергиите – кои биле главен фокус на истражувањето – се голема грижа за родителите, но само 55 проценти од мајките знаат дека постојат начини да се намали веројатноста за појава на идни алергии на бебето. Имено, 76 проценти од педијатрите им кажуваат на новите родители дека им недостасуваат информации за алергиите.
Проблемите со алергија имаат тенденција да не се забележуваат, бидејќи родителите честопати не ги разбираат симптомите кога се присутни. На пример, иако повеќето родители знаат дека дијареата може да е причинета од алергија на детето на кравјо млеко, помалку од 40 проценти од мајките ги препознаваат грчевите и осипот како уште еден симптом. Не плашете се да се консултирате со педијатар без разлика дали станува збор за алергии или за некоја друга ваша грижа. Тие се таму за да ви помогнат вам и на вашето бебе.
