Ако постои нешто кое родителите секогаш се обидуваат да го избегнат, тоа се драматични испади на бес кај децата, особено оние кои се случуваат во јавност. За среќа, постојат повеќе начини да го смирите детето, пред да дојде во онаа фаза кога практично не слуша што му зборувате.
Според стручњаците, најдобар начин да смирите дете кое е на раб на испад на бес, е да го изнесете во природа. Престојот на отворено може да помогне кај децата да се намали нивото на стрес и соодветно да се потроши акумулираната енергија. Кога сте веќе надвор, обидете се на детето да му посочите некои интересни детали од околината и на тој начин да го ангажирате неговото внимание.
Истражување на тим научници од Универзитетот во Хонг Конг покажало дека времето кое децата го минуваат во природа има исклучително влијание на нивното социјално однесување. Докторката Танја Собко и нејзиниот тим докажале дека повеќе минато време во природа, за децата значи дека ќе бидат поздрави, дека подобро ќе се однесуваат и ќе бидат посреќни.
“Забележивме дека модерните родители избегнуваат природа. Ја сметаат на нечиста и опасна за децата. Но, дозволете му на детето и да се извалка во кал ако сака, ако тоа го прави среќно“, вели д-р Собко.
