На почетокот на пандемијата постоеле повеќе соеви на вирусот SARS-CoV-2, односно новиот коронавирус. Со тек на времето, дојдено е до точка кога 99,9 проценти од соевите кои во моментов циркулираат ја имаат D614G мутацијата во шилото. Лицата инфицирани со D614G сојот имаат и повисок вирусен титар, наведуваат стручњаците за медицинскиот портал Medscape.
Меѓутоа, иако звучи полошо, ова и не е толку лоша вест. Оваа мутација не е поврзана со најлошите клинички случаи и овој сој на вирус добро реагира на засега достапните лекови, па и на вакцините кои моментално се тестираат.
“Колку и да е лош SARS-CoV-2, сепак вирусот бавно мутира“, вели авторот на оваа студија, д-р Илја Финклстин, додавјаќи дека вирусот мутира многу побавно од, на пример, ХИВ вирусот, што значи дека научниците имаат повече време да го проучат.
Повеќето соеви на вирусот SARS-CoV-2 имаат специфична мутација поради која вирусот е многу заразен. Колку повеќе време поминува од почетокот на пандемијата, толку тие соеви стануваат подоминантни, се вели во заклучокот од новото истражување.
Д-р Финклстин во својот труд, меѓу другото, заклучува и дека D614G мутацијата во моментов е најчеста и дека во периодот од 5 до 11 мај, била присутна кај 82 проценти од неговите испитани пациенти. Потоа, во периодот од 12 мај до 7 јули, процентот на инфицирани токму со овој сој се искачил на 99 отсто.
Докторот верува дека D614G е доминантен сој бидејќи ја зголемува можноста шилото на вирусот да ја отвори клетката и полесно да навлезе во неа. Уште еден заклучок на д-р Финклстин е дека генетиката на пациентот не игра особено важна улога во исходот од инфекцијата.
