Во борбата против пандемијата која досега уби повеќе од милион луѓе, се појави оружје. Вакцина која би можела да биде ефикасна дури 90 проценти. На неа работеше американската компанија „Pfizer“ во соработка со германски „BioNTek“.
„Во студијата, 15 000 луѓе примија вакцина, 15 000 плацебо, а потоа се чекаше да се види дали тие 30 000 луѓе ќе почнат да се разболуваат. Очекувањата се дека доколку вакцината функционира, болеста ќе ја добие онаа група на луѓе кои не ја примиле вакцината“, изјави Алберт Бурл од „Pfizer“.
-
Хрватскиот научник Иван Џикиќ вели дека ова е одлична вест која дава надеж. Но, треба да се биде трпелив, бидејќи анализата не е завршена
„Досега имало само 94 заразени меѓу 44 000 лица кои ја примиле вакцината. Целта е да се добијат 164 заразени лица, па дури тогаш, врз основа на декодирање на сите податоци, ќе видиме кој ја примил вакцината, кој добил плацебо и ќе ја видиме нејзината вистинска ефикасност“, објаснува Иван Џикиќ.
Ова е една од 10-те вакцини што се тестираат ширум светот, а користи целосно нова технологија – mRNA
„Вакцината функционира со земање гласник РНК, што е она што кодира протеин во нашата клетка. Ја ставате во липиден плик, ја завиткувате, ставате во шишенце и ја иницирате во некоја личност. Кај таа личност, гласникот РНК излегува од тој липиден коверт, прави протеини и нашиот имунолошки систем го препознава тој протеин. А протеинот е антиген на вирусот“, објаснува научникот.
Бидејќи анализата не е завршена, широката примена ќе почека. Одобрување на вакцините би можело да се побара до крајот на месецот, а дури потоа би започнало производството.
Вакцината засега не покажува сериозни несакани ефекти, а колку долго ќе пружа заштита се уште не е познато.
Иако се потребни дополнителни истражувања, секој чекор во запирање на пандемијата која се заканува на милијарди луѓе е охрабрувачки. (Нова ТВ)
