Бројот на бебиња родени преку ин витро оплодување (ИВФ) драстично се зголемува последниве децении, а нов извештај открива колку е оваа постапка денес распространета. Според податоците на Меѓународниот комитет за следење на асистирани репродуктивни технологии (ICMART), од 1978 до 2018 година, се родени над 13 милиони бебиња со помош на ИВФ и други методи на асистирана оплодување.
Стручњаците веруваат дека таа бројка денес е значително повисока. Прелиминарните проценки укажуваат на дополнителни 3 до 4 милиони бебиња родени од завршувањето на студијата, што вкупниот број би го приближило до 17 милиони.
- Што велат бројките
Истражувачите анализирале податоци од 101 земја. Во некои земји, како Австралија, постојат официјални регистри, додека во други такви податоци недостасуваат, па проценките се базирани на бројот на клиники за репродуктивна медицина.
„Секоја година бележиме колку бебиња се родиле во последните 12 месеци, но никогаш досега не сме направиле системска проценка на вкупниот број на раѓања ширум светот со единствена методологија“, објаснува професорката Георгина Чејмберс, една од авторките на студијата. Таа додава дека бројот на бебиња родени преку ИВФ брзо се зголемува.
- Пристапот до ИВФ сè уште е ограничен
И покрај сè поголемата популарност, ИВФ не е достапен за многумина поради високите трошоци и сложеноста на постапката.
„Постапката е скапа и комплицирана, бара стручни лица, лекови и технолошки напредни лаборатории. Без јавно финансирање или поврат на трошоци, во многу делови од светот останува недостапна“, вели професорот Дејвид Адамсон, претседател на ICMART.
- Дали ИВФ е вистинската опција?
Ако размислувате за ИВФ, првиот чекор е разговор со вашиот лекар, кој може да ве упати кај специјалист за плодност. Постапката се препорачува при:
-
необјаснета неплодност,
-
проблеми со спермата кај партнерот,
-
тешка ендометриоза,
-
потреба за генетско тестирање.
Пред да се донесе одлука, важно е да се разгледаат стапката на успех, трошоците и можните несакани ефекти. Во соработка со лекар, може да се најде најдоброто решение за остварување на желбата за родителство.
