Постојат многу можни причини за проблематично однесување кај малите деца и оние на предучилишна возраст. Честопати тоа е едноставно затоа што се уморни, гладни, премногу возбудени, фрустрирани или им е здодевно.
КАКО ДА СЕ СПРАВИТЕ СО ПРОБЛЕМАТИЧНОТО ОДНЕСУВАЊЕ
Ако проблематичното однесување предизвикува вознемиреност кај вас или вашето дете, или влијае негативно врз остатокот од семејството, важно е да се преземат мерки.
- Правете го она што сметате дека е исправно
Она што го правите мора да биде правилно за вашето дете, за вас и за семејството. Ако преземете нешто во што не верувате или не ви изгледа исправно, веројатно нема да функционира. Децата забележуваат кога не го мислите тоа што го кажувате.
- Не се откажувајте
Откако ќе одлучите да преземете нешто, продолжете да го правите тоа. Решенијата бараат време за да дадат резултати. Побарајте поддршка од партнерот, пријател, друг родител или здравствен работник. Добро е да имате некого со кого можете да разговарате за тоа што го правите.
- Бидете доследни
На децата им е потребна доследност. Ако реагирате на однесувањето на вашето дете на еден начин денес, а на друг начин утре, тоа ги збунува. Исто така, важно е сите кои се блиски до детето да се справуваат со неговото однесување на ист начин.
- Обидете се да не претерувате во реакцијата
Ова може да биде тешко. Кога вашето дете прави нешто иритирачко повторно и повторно, вашиот гнев и фрустрација може да се наталожат. Невозможно е секогаш да не ја покажете вашата иритираност, но обидете се да останете смирени.
Префрлете се на други активности во кои и двајцата можете да уживате или кои ве прават да се чувствувате добро што е можно побрзо. Најдете други начини да се справите со фрустрацијата, како разговор со други родители.
- Разговарајте со вашето дете
Децата не мора да знаат да зборуваат за да разберат. Може да помогне ако сфатат зошто сакате да направат нешто. На пример, објаснете им зошто сакате да ви ја држат раката кога ја преминувате улицата.
Децата брзо забележуваат ако сте вознемирени или ако има проблеми во семејството. Тие може да се однесуваат лошо токму кога најмалку сте способни да се справите. Ако имате проблеми, не се обвинувајте, но не го обвинувајте ниту детето ако реагира со проблематично однесување
Откако детето ќе почне да зборува, охрабрете го да објасни зошто е лутo или вознемиренo. Ова ќе му помогне да се чувствува помалку фрустрирано.
- Бидете позитивни за добрите работи
Кога однесувањето на детето е проблематично, лесно е да се занемарат работите што ги прави добро. Кажете му на детето кога сте задоволни од нешто што направило. Може да му дадете до знаење дека сте задоволни од нешто со тоа што ќе му подарите внимание, прегратка или насмевка.
- Понудете награди
Можете да му помогнете на вашето дете наградувајќи го за добро однесување. На пример, пофалете го или подгответе му го омилениот оброк за вечера. Ако вашето дете се однесува добро, кажете му колку сте задоволни. Бидете конкретни. Кажете нешто како: „Браво што ги врати играчките во кутијата кога те замолив.“
Кога однесувањето на детето е проблематично, лесно е да се занемарат работите што ги прави добро. Кажете му на детето кога сте задоволни од нешто што направило. Може да му дадете до знаење дека сте задоволни од нешто со тоа што ќе му подарите внимание, прегратка или насмевка
Не давајте награда пред детето да го направи она што сте го побарале. Тоа е поткуп, а не награда.
- Избегнувајте физичко казнување
Ударот (шлаканицата) може да го запре детето да го прави тоа што го прави во моментот, но нема траен позитивен ефект.
Децата учат преку пример, па ако го удирате вашето дете, му испраќате порака дека удирањето е дозволено. Децата кои се третирани агресивно од страна на родителите имаат поголема веројатност и самите да бидат агресивни. Подобро е да поставите добар пример.
РАБОТИ ШТО МОЖАТ ДА ВЛИЈААТ НА ОДНЕСУВАЊЕТО НА ВАШЕТО ДЕТЕ
- Животни промени – секоја промена во животот на детето може да биде тешка за него. Ова може да биде раѓање на ново бебе, преселба, промена на дадилка, тргнување во градинка или нешто многу помало.
- Вие минувате низ тежок период – децата брзо забележуваат ако сте вознемирени или ако има проблеми во семејството. Тие може да се однесуваат лошо токму кога најмалку сте способни да се справите. Ако имате проблеми, не се обвинувајте, но не го обвинувајте ниту детето ако реагира со проблематично однесување.
- Начинот на кој сте се справувале со проблематичното однесување порано – понекогаш детето може да реагира на одреден начин поради тоа како сте се справувале со проблемот во минатото. На пример, ако сте му давале слатки за да биде мирно во продавница, може да очекува слатки секој пат кога ќе одите таму.
- Потреба за внимание – вашето дете може да гледа на избувнувањето како на начин да добие внимание, дури и ако е негативно внимание. Може да се буди ноќе затоа што сака прегратка или друштво. Обидете се да му посветите повеќе внимание кога се однесува добро, а помалку кога се однесува лошо.
(Извор: NHS)
