Разбирливо е дека родителите сакаат да направат се што е во нивна моќ за да им помогнат на своите деца да бидат што поуспешни на училиште. Ова може да вклучува приватна настава или запишување во повеќе воннаставни програми. Ваквиот пристап ја намалува желбата на децата за успех, објаснува експертот за родителство, Џенифер Брехени Валас. Нејзиното истражување покажало дека со тоа што ги тераме децата да успеат, ние всушност ја намалуваме нивната мотивација.
„Децата, особено во богатите семејства, можат да носат одреден товар да мора да го копираат богатството на нивните родители“, изјави Валас.
Влијанието на финансискиот притисок врз амбициите на децата
Користејќи го примерот на едно момче од осмо одделение со кое разговарала, Валас раскажува дека тој сакал да биде архитект. Сакал да има иста куќа како и неговите родители. Меѓутоа, кога ја истражувал цената на куќата и ја споредил со годишната плата на архитект, тој го променил својот сон во сон со годишен приход со кој може да си ја дозволи куќата што ја сака. Најголемиот проблем, смета Валас, е што децата повеќе не се занимаваат со работите во кои уживаат поради притисокот и желбата за висока заработка.
Децата ја поистоветуваат својата вредност со своите достигнувања
Иако родителите можеби имаат добри намери, поединци ќе бидат разочарани ако нивното дете не влезе во одредено училиште или ако со неговата професија не заработува висока плата. „Децата денес ја поврзуваат својата вредност со нивните достигнувања“, наведува Валас.
Како би им помогнале на децата да ги раздвојат своите постигнувања од сопствената вредност, Валас вели дека родителите треба да ја отфрлат претпоставката дека постои само еден начин да се успее.
Значи, според Валас, од клучно значење е да се одделат достигнувањата од личната вредност кај децата. Таа ги потикнува родителите да се ослободат од претпоставката дека постои само еден вистински пат до успехот. Наместо тоа, таа ги советува мајките и татковците да ги остават своите деца да уживаат во активностите што ги сакаат, неоптоварени од грижите за тоа како тоа ќе влијае на нивните апликации за факултет или колку ќе заработат.
