Селективното слушање превзема целосно ново ниво кога е во прашање комуникацијата со децата. Кога ќе дојдат на одредена возраст и знаете дека ве слушаат и разбираат, станува очигледно дека избираат да ве игнорираат. А, да не ја споменуваме разликата помеѓу она што вие го велите она што тие го слушаат.
Ова се неколку фрази кои би можеле да ви звучат познато:
- Вие велите: Можеш ли, те молам, сега да одиш да ги измиеш забите?
- Тие слушаат: Можеш ли, молим те, сега да скокаш по креветот, да се скриеш во другата соба, да ја земеш секоја книга од полицата, да боиш каде ќе стигнеш и потоа да стигнеш до тоалетот и да ја измиеш устата со малку вода?
- Вие велите: Можеш ли сега, те молам да се облечеш?
- Тие слушаат: Молим те врати се во дневна соба само со една чорапа, една патика, три пара долна облека и костим за капење.
- Вие велите: Време е за во кревет.
- Тие слушаат: Можеш сега да бараш грицки и чаша вода пред да ми кажеш (прв пат денес!) дека наутро мораш да донесеш (боички, блок, ножички) за активност во градинка?
- Вие велите: Брзо, влегувај во кола!
- Тие слушаат: Оди назад до дома и остани во тоалет по голема нужда најдолго во светот…
- Вие велите: Молим те, расчисти ја својата соба.
- Тие слушаат: Молим те, оди во својата соба, пробај 15 различни фустани, направи шатор од ќебето и постелнината и истрижи ја секоја кукла што ја имаш.
- Вие велите: Побрзај, веќе доцниме.
- Тие слушаат: Мислам дека сега е одлично време да почнеш да бараш некоја збутана играчка која си ја добил за Божик пред три години и која можеби и не е фрлена во ѓубре минатата година.
- Вие велите: Изеди ја вечерата до крај.
- Тие слушаат: Можеш да избегнеш да ја изедеш оваа вечера и јас ќе ти направам друга ако следните 15 минути продолжиш да кажуваш колку го мразиш тоа што е во чинијата.
- Вие велите: Нема десерт.
- Тие слушаат: Десертот е оддалечен само со 35 барања!
- Вие велите: Лека ноќ!
- Тие слушаат: Се гледаме за неколку часа кога слободно можеш да дојдеш до мојот кревет во сред ноќ и да ми ја украдеш перницата.
Добра вест е дека ги сакаме до небото и назад, а тука превод не е потребен.
