Сезоната на јагоди е веќе почната, а бремените жени и родилките имаат една дилема. Како и секогаш, слушаат бројни совети, па голем дел се прашуваат дали смеат да го јадат ова овошје, бидејќи е алергено и дали може да му наштетат на детето.
Веднаш да знаете, немате причини за загриженост! Смеете да јадете јагоди во бременоста, но и додека го доите бебето.
ЈАГОДИТЕ СЕ ЗДРАВИ
Јагодите се богати со фолати, а познато е дека фолната киселина како синтетичка форма на фолати се препорачува за сите трудници. Јагодите, портокалите и зелениот лиснат зеленчук содржат најмногу фолати од сите намирници. Еден оброк јагоди обезбедува 20 проценти од препорачаната дневна потреба за фолати.
Исто така, процентот на антиоксиданти во јагодите е седум пати поголема отколку во јаболката или бананите и двојно поголема од портокалите или грозјето.
Јагодите се богати со витамин Ц, кој секогаш е подобро да се зема преку храна, отколку во синтетичка форма.
Така, јагодите можат да ви помогнат да останете здрави, да го зајакнете имунитетот, да внесете повеќе фолати покрај фолната киселина што ја пиете и како такви, голема штета е да се откажете од нив за време на бременоста или периодот на доење.
СТРАВ ОД АЛЕРГИИ
Причината поради која голем број трудници и доилки се откажуваат од јагодите се можните алергии на ова овошје, што навистина може да доведе до многу изразени алергиски реакции.
Меѓутоа, важно е да се напомене дека токму со консумирањет намирници во текот на бременост и периодот на доење, ние го навикнуваме организмот на бебето и го подготвуваме за храна која подоцна ќе се јаде.
Преку млекото само одредени состојки од храната се пренесуваат до бебето, па дури и во случај да дојде до алергија, бебето ќе реагира во поблага форма, а вам тоа ќе биде сигнал да бидете исклучително внимателни кога ги внесувате јагодите во исхраната на вашето бебе.
