Научниците предлагаат еден начин на успивање на новороденче за кој не се потребни никакви комплицирани дејствија, а во исто време објаснуваат зошто е ефикасен.
Студијата објавена во Current Biology објаснува метод за смирување на расплакани бебиња кои потоа заспиваат, но и остануваат да спијат откако ќе ги ставите во нивното креветче.
Метод „оди па седи“.
Методот, кој можете да го примените и за да го смирите вашето бебе и да го заспиете, е изненадувачки едноставен и се состои од само три едноставни чекори.
- Држетего расплаканото бебе во раце, шетајте го пет минути за даго смирите.
- Откако бебето ќе заспие во вашите раце, седнете и држете го заспаното бебе уште пет до осум минути.
- Ставете го бебето во креветчето.
Во што е тајната?
Инспирацијата за првиот чекор од овој метод, имено носењето на бебето наоколу, доаѓа од природата. Замислете мајка лавица како го носи своето бебе во уста. Доаѓа од т.н транспортен одговор, кој е смирување. Овој транспортен одговор се јавува кај многу цицачи.
Научникот Куми Курода и нејзините колеги од РИКЕН центарот во Јапонија сакале да откријат дали истиот одговор може да се добие и кај човечки бебиња.
Тие набљудувале 21 бебе на возраст од еден до седум месеци, споредувајќи го нивното однесување, движењата и отчукувањата на срцето како одговор на четири различни сценарија: да ги држат мајки кои седат, да ги држат мајки кои одат, да бидат ставени во „движечко креветче“ (колевка на лулање или количка) и да бидат ставени во креветче. Резултатите покажале дека уплаканите бебиња најефикасно и најдоследно ги смирувало мајките да одат или да подвижно креветче. Исто така, тие откриле дека бебињата кои плачат најдобро се смируваат и заспиваат откако некој ги носи одејќи пет минути.
Следниот чекор бил да ги стават во креветче. Заспаните бебиња продолжиле да спијат доколку мајките пред да ги легнат во креветчето ги држеле во седечка положба пет до осум минути. Ако ги спуштеле пред да поминат петте минути, бебињата се буделе и плачеле. Иако научниците тестирале различни положби и брзини на ставање на бебето во креветче, тие откриле дека само држењето на бебето во раце додека мајката е во седечка положба имал задоволителен ефект.
Важно е да се напомене дека во текот на истражувањето биле набљудувани само бебиња со нивните мајки, а не биле вклучени татковци или баби и дедовци. Исто така, студијата опфатила само 21 испитаник. Понатаму, научниците истакнале дека предложениот метод не е замислен како долгорочна стратегија за успивање , туку моментално го смирува бебето во ситуации кога воспоставената рутина на заспивање не помага.
