Имунолошкиот систем ја сочинува основата за преживување за сите луѓе, вклучувајќи ги и децата. Кога човечкото тело не би било заштитено со имунитет, постојано би било изложено на напад на бактерии, вируси, паразити и се друго што може да влијае на загрозување на здравјето. Здравјето на организмот најмногу зависи од имунолошкиот систем. Затоа зајакнувањето и подигнувањето на имунитетот е исклучително важно.
Во работата на имунолошкиот систем се вклучени различни видови клетки, органи, протеини и ткива. Тие заедно и синхронизирано штитат од болести. Меѓу другото, неговата задача е да го разликува ткивото на сопственикот од туѓото и да ги препознае клетките кои се мртви. Тој има механизам да ги отстрани од телото. Тоа е еден од начините за одржување на здравјето.
Задачата на имунолошкиот систем е да препознае патогени, вируси или бактерии и веднаш да реагира бранејќи го телото од инфекции.
Но, се прашувате ли каде се наоѓа имунитетот во телото?
Леукоцити
Леукоцитите, односно белите крвни зрнца, се движат низ телото со помош на крвниот и лимфниот систем. Можеме да кажеме дека постојано патролираат барајќи патогени. Кога ќе ги „забележат“ почнуваат да се размножуваат и испраќаат сигнали до другите клетки за да обезбедат одбрана.
Белите крвни зрнца се складираат на неколку места во телото:
- Градната жлезда – тимусот – се наоѓа во горниот дел на градниот кош, на спојот со вратот.
- Слезината – орган кој се наоѓа на горната лева страна на абдоменот. Слезината ја филтрира крвта.
- Коскена срцевина – се наоѓа во центарот на коските. Црвените крвни зрнца се произведуваат во коскената срцевина.
- Лимфни јазли – мали жлезди лоцирани на различни места на телото. Тие се поврзани со лимфниот систем.
Задачата на имунолошкиот систем е да препознае патогени, вируси или бактерии и веднаш да реагира бранејќи го телото од инфекции
Постојат два главни типа на бели крвни зрнца: фагоцити и лимфоцити. Фагоцитите се леукоцити, односно клетки чија улога е да ги препознаваат патогените, да ги опкружуваат, да ги совладуваат и да апсорбираат („изедат“). Постојат неколку видови на фагоциди:
- Неутрофили – ова е најчестиот тип на фагоцити и неговата улога е да ги напаѓа бактериите.
- Моноцити – имаат повеќе улоги и се најраспространети.
- Макрофагите – „се движат“ во потрага по патогени, притоа отстранувајќи ги мртвите и клетките кои изумираат.
- Мастоцитите – тие имаат многу улоги, а една од нив е да помогнат во заздравувањето на раните.
Лимфоцитите се бели крвни зрнца кои му овозможуваат на телото да ги запомни напаѓачите и да ги препознае доколку се обидат повторно да нападнат.
Коскената срцевина е местото каде што настануваат лимфоцитите. Делот од лимфоцитите што останува таму се развива во Б-лимфоцити. Останатите кои се движат кон тимусот стануваат Т-лимфоцити. Овие два типа на клетки имаат различни улоги.
- Б – лимфоцити – произведуваат антитела и обезбедуваат помош кога треба да се алармираат Т-лимфоцитите.
- Т – лимфоцити – ги уништуваат загрозените клетки и помагаат да се информираат леукоцитите за одбрана.
Секој човек, па и дете, има поинаков имунолошки систем. Тој станува се посилен како што детето расте. За тоа помага и тоа што како поминува времето детето постојано е изложено на сè поголем број патогени, па се развива имунитетот. Токму ова е причината зошто постарите деца и возрасните се значително помалку подложни на актуелни инфекции отколку што е тоа случај со малите деца и децата од предучилишна возраст
Цревна флора
Цревната флора или микробиота е комплексна заедница на микроорганизми, бактерии, габи и вируси кои живеат во дигестивниот тракт на луѓето и децата. Сите овие микроорганизми почнуваат да се развиваат во дигестивниот тракт на детето веднаш по раѓањето.
Голем број од овие микроорганизми играат значајна улога кога станува збор за функционирањето на целиот организам. Милијарди бактерии ја населуваат цревната флора. Меѓу другото, тие се задолжени и за производство на есенцијални витамини од групата Б, фолати и витамин К.
Покрај тоа, цревната флора има многу важна улога и влијание врз имунолошкиот систем. Како што покажаа бројни студии, цревната микробиота е првата линија на одбрана кога ќе се појави инфекција кај детето.
Во текот на последните неколку години се спроведени многу истражувања во кои е испитувана цревната флора. Тие откриле дека постои многу силна врска помеѓу отпорноста на инфекции и присуството или отсуството на одредени групи на микроби во цревата. Заеднички заклучок од овие студии е дека рамнотежата на бактериите во цревата влијае на имунолошкиот систем и неговата способност да се активира кога е тоа потребно.
Стекнување на имунитет
Секој човек, па и дете, има поинаков имунолошки систем. Тој станува се посилен како што детето расте. За тоа помага и тоа што како поминува времето детето постојано е изложено на сè поголем број патогени, па се развива имунитетот.
Токму ова е причината зошто постарите деца и возрасните се значително помалку подложни на актуелни инфекции отколку што е тоа случај со малите деца и децата од предучилишна возраст.
