Мајките уживаат во растењето на своите бебиња ии љубовта им ја покажуваат на најразлични начини. Меѓутоа, бебињата имаат свој начин на искажување на љубовта кон мајката кој се изразува низ ситници кои се лесно воочливи.
Доколку вашето бебе престанува да плаче штом го подигнете, тоа вам ви верува и ужива во вашето присуство. Бебето на тој начин покажува љубов, а најсмирено е тогаш кога е потпрено образ до образ со мајката.
Иако можеби возрасните околу вас не сакаат да слушаат како пеете и свесни и дека не сте баш талентирани, вашето бебе сака да го слушне вашиот глас и ужива во звукот на мелодијата што ја создавате додека пеете. Тие исто така сакаат кога им зборувате и секогаш имаат посебни реакции на таквите работи.
Бебињата сакаат кога си играте со нив, и сите ваши игри и шеги им се многу забавни. Дури и ако со лажичката глумите авионче или само правите различни гримаси, доколку бебето се смее, тоа значи дека ве смета за забавна и ужива во вашето присуство.
Ако бебето често ви одговара на одреден начин, се обидува да зборува и да покажува работи, тоа значи дека да го привлече вашето внимание и дека и е важно да го слушнете она што се обидува да ви го каже. На бебињата присуството на мајката им е најважната работа на светот и ако не сте присутна, ќе ја вложат сета своја енергија во тоа да ве најдат.
Наједноставен знак кој ќе ви покаже колку вашето бебе ве сака се неговите гестикулации и изрази на лицето кога ќе ве види. Доколку се смее и пружа рачиња кон вас, значи дека ве обожава.
