Од самото зачнување, па се до престанок на доењето, градите константно се менуваат. Сепак, постојат едноставни начини како мајките можат себе си да си го олеснат овој период. Еве неколку совети….
Најдете соодветен градник
Во периодот на доењето многу е важно да користите памучен градник кој не ги стега градите а сепак нуди стабилна поддршка. Моделите со жица и корпа не се добар избор бидејќи може да притискаат и да пречат во текот на доењето, односно во производството на млеко. Исто така градниците за доење мора да бидат удобни ,за да може со нив да спиете,доколку почуствувате болки во текот на ноќта.
Внимателно со изборот на креми за стрии
При изборот на препарати за нега на кожата во бременоста и по породувањето, предност се дава на средствата кои содржина природна основа – етерични масла и билни екстракти. Добар се невенот, камилицата,алоето, маслиновото масло,бадемовото масло, авокадо, ши путер и какао путер, пчелин восок. Вештачките супстанци ги запушуваат порите и не ја хранат кожата, која со само тоа станува подложна на стрии.
Внимавајте на исхраната
Ако сакате да ја спречите појавата на стрии исто така е важно да се храните правилно. Задолжително е да пиете течност и да се јаде овошје и зеленчук, кои содржат витамин Ц и Е, како и оние богати со протеини. Треба да се ограничи внесот на сол поради задршката на вода во организмот, со што и се спречува отекување на градите.
Ладни облоги
Во случај градите да ви се топли и чуствувате болка земете лист од зелка, претходно изладен. Може да помогне и топла купка за да ја повлече отеченоста во градите.
