“Клиничката депресија може да почне во раното или средно детство и погаѓа едно од осум деца. Поради пандемијата со коронавирусот во која бевме полни две години, се повеќе млади се чувствуваат заморно, понижено и негативно“, нагласува д-р Краус.
Препознавањето на депресијата може да биде многу тешко, неважно дали се работи за дете или за возрасно лице. Лицата со ментални проблеми често плачат и изјавуваат дека се депресивни.
“На родителите не им е лесно во почетокотда ги забележат знаците на депресија кај децата, поради тоа потребно е да се посоветуваат со психолог, бидејќи сите млади луѓе немаат исти симптоми. Многумина ќе покажат различни симптоми во различни окружувања“,вели д-р Краус.
ВООБИЧАЕНИ СИМПТОМИ
Иако ниту едно дете не е исто, постојат вообичаени симптоми кои го будат алармот кај родители дека со детето нешто не е во ред.
- Постојана плачливост или тага
- Безнадежност
- Промени во навиките на спиење
- Промени во исхраната
- Замор
- Жалење на болка
- Откажување од активности во кои уживале и дружења
- Покажување негативни ставови кон училишните задачи
- Потешкотии во концентрацијата
- Лоша мотивација
- Зголемување на ризично однесување, самоповредување и лоши мисли
ФАКТОРИ
Депресијата е предизвикана од голем број фактори поврзани со околината, генетиката, животните случувања и животните навики. Понекогаш не постои јасна причина зошто некој би можел да ја доживее оваа состојба.
Д-р Краус вели дека семејната историја на депресија може да го предиспонира вашето дете. Останатите фактори го вклучуваат секој голем животен настан (на пример, развод на родители) или неочекувана или значајна тага.
Вознемирувањето, траумата или лошото физичко здравје исто така може да прераснат во депресија.
