Современото родителство е комплексна и напорна работа. Тоа е работа која трае цел ден и цел живот, но се извршува со задоволство. Што значи да се биде добар родител? Тоа значи да се одгледа психичко здраво дете на што влијае неговата емоционално силна поврзаност со останатите членови во семејството, Но, не е секогаш лесно да се биде добар родител и пример на своето дете. Стресот и негативните емоции понекогаш многу лесно се пренесуваат на децата и со тоа го пореметуват семејниот мир. Како да се надмине стресот и да не го пренесувате на децата?
Стресот станува симбол на модерниот начин на живот
Родителството со себе носи и бројни проблеми кои влијаат на квалитетот на живот на целото семејство. Стресот, за жал, станува симбол на модерното живеење. Невработеноста или пренапорната работа, фрустрациите и општото незадоволство, падот на животниот стандард, како и брачните и останатите емоционални проблеми се само некои од причините за појава на стресот. Родителскиот стрес го создаваат и различни проблеми со децата, како болести, големи барања на децата, проблеми во училиште…
Депресијата, акнсиозноста и фрустрациите се само некои од симптомите на стерс. Со нив се јавуваат и проблеми со спиењето, срцебиење, исцрпеност и болка во желудникот. Родителите кои се изложени на долготраен стрес негативно влијаат на околината, а особено на своите деца.
Неадекватните родителски постапки може да го нарушат односот со детето и да влијаат на неговите подоцни псхички проблеми. Научете да се борите со стресот и заштитете го детето од негативните последици од стресот.
Ова се неколку совети
Најдобра помош во борбата против стресот е поддршката од брачниот партнер. Взаемната љубов, разбирање и прифаќање, во голема мера го намалуваат чувството на депресија и немир.
- Борбата со стресот е долг пат. Дадете си време, добро наспијте се, размислете за работите кои ви создаваат стрес и обидете се да ги согледате од друг агол.
- Не се обвинувајте себе си за чувствата кои ве мачат, туку поделете ги со партнерот вашите размислувања и олеснете си ја душата.
- Ублажете го почетниот стрес со правилна техника на дишење. Со длабоко вдишување и издишување смирете си го организмот.
- Научете да ги контролирате емоциите во моментот кога сте со детето. Мислете на убави работи, обидете се да се смеете и направете го детето задоволно.
- Не дозволувајте вашите негативни емоции да ве надвладеат и не ги пренесувајте на детето. На детето му е потребна вашата љубов, сигурност, поддршка и заштита. Чувството на осаменост, напуштеност, намалена љубов и заштита, ја руши неговата самодоверба и создава основа за психички пречки подоцна во детството.
- Секој ден одвојте време само за себе. Опуштете се. Направете нешто што најмногу ве прави весели и ве исполнува. Разбудете ја својата креативност и наполнете се со позитивна енергија.
