Порано или подоцна, секое дете учи да гледа на часовник, но навистина не им е лесно на родителите на едноставен начин да им го објаснат концептот на времето на своите деца или како да гледаат на аналогните часовници.
Сепак, психологот Елена Бошкина дава неколку совети кои ќе ви помогнат во тоа и смета дека е оптимално децата од пет или шест години да научат да го кажуваат времето. Во некои ситуации детето е спремно малку порано, но сигурно нема потреба од брзање, ќе научат.
Подготовка
За да го научите детето да кажува време, прво мора да му помогнете да ги разбере категориите на време – минато, сегашност, иднина. За сето ова може да ви помогнат некои забавни „вежби“.
Разговарајте за цикличната природа на времето
Објаснете му ги на вашето дете деловите од денот, дека денот се претвора во ноќ, дека деновите формираат недели, дека по еден месец доаѓа друг, потоа трет итн. Кога ќе поминат 12 месеци, следува нова година и секој циклус се повторува по претходниот.
Покажете му на вашето дете визуелно како минува времето гледајќи во Месечината – лунарниот циклус трае речиси цел месец, помеѓу 29 и 30 дена. Ова ќе му помогне подобро да разбере што значи „за еден месец“.
Нацртајте цртеж што покажува што е следно
Поделете ја хартијата на два дела и нацртајте нешто – да речеме, сончев ден, автомобил паркиран до куќата. Потоа замолете го детето да го нацрта истото во различни периоди од денот. Неговата задача е, значи, да нацрта куќа и ноќно небо, ѕвезди и слично.
Покажете му што правите следно
Во оваа вежба важно е да му објасните на детето дека многу работи и активности во текот на денот во неговиот живот се случуваат во одредени периоди. Најдобар начин да му го објасните ова е да ја поделите хартијата на четири дела, а во првиот дел да ги нацртате утринските активности и да го оставите да нацрта што прави околу пладне, подоцна попладне и навечер. Може да изгледа вака, на пример: наутро оди во градинка или предучилишна установа, подоцна си игра со играчките, попладне чита книги, навечер спие.
Играјте „ден-ноќ“
Нека детето нацрта птица или животно, покажувајќи ги и во дневна и во ноќна средина. Изберете животни кои имаат различни дневни циклуси – на пример, був спие дење, а е буден ноќе, но куче спие и ден и ноќ итн.
Вежбајте со часовник
Нацртајте часовник со вашето дете и поделете го на четири дела. Потоа, на секој дел, нацртајте симболи за да покажете што прави детето во тој период од денот. Потоа замолете го да ви го покаже времето на неговиот часовник кога тоа ќе се случи. Оваа вежба ќе му помогне да „види“ и да запомни временски интервали.
