Во свет во кој постојано нè поттикнува да сакаме повеќе, да го научите детето на благодарност може да изгледа како невозможна мисија. Но, тоа не мора да биде уште една родителска обврска.
Една мајка започнала да ја учи својата ќерка на благодарност уште кога имала само шест месеци. Денес, нејзините деца самостојно забележуваат убави нешта, знаат да се заблагодарат и дури ја потсетуваат неа да биде благодарна — особено во тешки денови.
Ова покажува дека едноставниот и искрен пристап навистина функционира. Децата кои растат со чувство на благодарност најчесто стануваат повнимателни, посочувствителни и поприродно емпатични личности.
- Учете благодарност низ секојдневните рутини
Најдобрите моменти за учење се токму оние најобичните – пред спиење, за време на бањање или облекување.
Може да кажете: „Фала ти, ќебенце, што ме грееш.“ Таквите едноставни реченици создаваат чувство на сигурност и ја развиваат навиката за благодарност.
- Славете ги малите нешта – наглас
Покажете му на детето дека секојдневните радости вредат внимание. Кажете: „Баш сум благодарна за ова сонце,“ или „Колку е убаво што толку лесно најдовме паркинг!“
Со тек на време, детето ќе почне само да ги забележува сличните нешта. Благодарноста, како и мускулите, се развива со вежбање.
- Објаснете го значењето на „фала“
Кога му се заблагодарувате на детето, објаснете зошто. Наместо само „фала“, кажете: „Фала ти што трпеливо чекаше додека ја облекував бебушот, тоа многу ми помогна.“ Така, детето учи дека неговиот труд е препознаен и ценет.
4. Претворете ја благодарноста во игра
Малите деца најлесно учат преку игра. Без разлика дали играте чајанка или со диносауруси, внесете благодарност во улогите: „Фала ти, Т-Рекс, што ги сподели грицките!“ Децата го имитираат ова однесување – и тоа природно станува дел од нивниот речник.
- Воведете мал ритуал пред огледало
За време на утринската или вечерната рутина, застанете пред огледалото и кажете нешто на што сте благодарни. Потоа охрабрете го и детето да направи исто.
Додадете и позитивни потсетници: „Јас сум добар пријател“, „Јас сум сакан“, „Јас сум храбар.“ Овие зборови градат самопочит и благодарност кон себе и кон другите.
- Читајте книги кои ја поттикнуваат благодарноста
Изберете сликовници во кои ликовите учат да кажат „фала“, помагаат или забележуваат убави нешта. По читањето, прашајте го детето: „На што си ти денес благодарен?“ Приказните им помагаат на децата да ги препознаат чувствата преку примери.
- Благодарноста не бара дополнителни задачи
Не мора да воведувате посебни активности. Доволно е благодарноста да ја вплетете во секојдневието – додека се возите, подготвувате вечера или се подготвувате за спиење. Не мора да биде совршено – важно е да биде искрено.
Од малите моменти расте нешто големо
Кога ги користиме секојдневните ситуации за мали лекции, благодарноста станува природен дел од детскиот свет. Од тие мали семки расте нешто големо, трајно и топло – чувство на задоволство и почит кон животот.
