Дали сте знаеле дека првите пет години од животот на детето се круцијални за неговиот развој на учење? Во суштина, тврдат експертите, оваа фаза е како темел кој ќе го зајакне нивното здравје, благосостојба, како и насоката на развој и она што во иднина ќе биде. Значи, како родителите можат да помогнат овој темел да се развие?
Стручњаци од Универзитетот во Јорк објавиле студија во која ја покажале важноста на зборовите кои децата ги слушаат. Според резултатите од студијата, честата комуникација со детето ќе ги зајакне и развие невербалните способности, особено при разбирањето на бројките, расудувањето и формирањето на свеста.
Во истражувањето учествувале 107 деца, и било барано секое од нив да раскаже што му се случило во последните три дена.
На крајот на студијата се покажало дека е многу важна врската помеѓу когнитивните способности и квалитетот на комуникација на возрасните со нив, што е базирано и на разноликоста на лексиката и на бројот на употребени зборови.
“Постои корелација помеѓу бројот на зборови кои детето ги слуша додека е бебе и неговиот вербален коефицинет на интелегенција“, истакнува Лајз Елиод, еден од авторите на студијата.
Значи, ако родителот сака да му помогне на детето да биде попаметно, важно е со него многу да зборува во текот на првите пет години. Не мора да зборувате многу информации, комуницирајте со едноставен јазик, велат експертите.
