Можеби сте многу смирена личност по природа, но не постои човек кој не бил “изваден од такт“ од детски тантрум. Уште потешко е да останете смирени во такви ситуации ако е лесно ве извадат од такт. Експертите за детски развој советуваат како да се поставиме кога децата најмногу не предизвикуваат и како да останеме смирена мајка.
- Направете чекор назад за момент
Кога детето ќе ве предизвикува со своето однесување, обидете се физички да се оддалечите од него и од ситуацијата на неколку моменти. Ако можете, одете во тоалет, во градина или на прошетка. Ако сте излезени заедно, оддалечете се неколку чекори од него, само погрижете се да е безбедно.
- Направете пауза и смирете се
Ако среде расправија со детето почувствувате дека трпението ве напушта, кренете ја главата и избројте до 40. Земете три длабоки вдишувања и вратете го погледот кон детето. Ова може да ги ублажи вашите емоции и да ви даде поинаква перспектива за она што се случило.
- Најдете нешто што ќе ви го одвлече вниманието
Обидете се да направите нешто друго барем три, четири минути за да го тргнете умот од ситуацијата. Направете си чај, вклучете музика, измијте ги садовите или направете нешто што ќе ви даде простор да се смирите и да не реагирате од лутина и нетрпеливост.
- Не обрнувајте внимание на сè
Понекогаш едноставно треба да игнорирате одредени однесувања. Децата понекогаш знаат што ви пречи, па намерно ќе ве нервираат додека не го изгубите трпението. Доколку веднаш реагирате и им забраните да го прават тоа, можно е тоа да го прават уште повеќе. Обидете се да ги игнорирате за промена бидејќи на крајот ќе им здодее тоа однесување и ќе се откажат.
- Вежбајте трпение
Еден од начините да станете потрпеливи е да вежбате трпение во секојдневните ситуации. Со цел вашите напори да покажат резултати, треба да бидете доследни и да се трудите од ден на ден. Наместо да нарачувате храна, згответе ручек. Наместо да поминувате време на социјалните мрежи додека вашето дете си игра, придружете му се во играта. Наместо да седнете во автомобилот и да отидете некаде во близина, прошетајте. Ваквите ситуации го градат вашето трпение.
