Риби – Добро избрани рипчиња може да бидат одлични миленичиња за почетници. Иако најчесто сите земаат т.н. златни рипчиња (јапонски шаран), можеби подобар избор е риба борец.
ЗА: Изискува малку простор, едноставно се одржуваат.
ПРОТИВ: Нема многу интеракции со нив.
Влекачи
Меѓу најомилените влекачи се желките. Тие делуваат нежно, не се тешки за одржување и не се опасни за детето како останатите влекачи (змија). Долго живеат, а бонус е тоа што тие не предизвикуваат алергии.
ЗА: Долг живот, нема алергии на нив.
ПРОТИВ: Потребен им е голем аквариум кој мора редовно да се одржува.
Птици
Птиците може да бидат одлични миленичиња, но треба да знаете дека тие многу повеќе бараат од претходните два вида. Бараат секојдневно внимание, а може да бидат многу интелегентни и друштвени.
ЗА: Интелегентни, лесно одржливи.
ПРТОИВ: Скапи, особено поголемите видови.
Глодари
Малите меки глодари може да претставуваат голем извор на радост и уживање за целото семејство. Мали бели глувчиња, хрчаци, морски прасиња, како и зајчиња и куни. Доколку се решите за нив, треба да знаете дека не е можно да се издресираат и бараат висок степен на хигиенски активности.
ЗА: Не бараат многу простор, многу се галат.
ПРОТИВ: Краток живот, а може да направат и белја оти сакаат да грицкаат кабли.
Маче
Мачките се прекрасни. Децата ги обожуваат, бидејќи се мили и меки. Не се многу тешки за одржување, поради својата вродена независност, не бараат премногу време. Лесно учат да извршуваат нужда на одредено место. Единствено што бараат е редовно одење на ветеринар. Сепак, пред да набавите мачка, проверете дали некој од семејството има алергија на нив.
ЗА: Независни, и лесно може некој да ве замени ако отпатувате некаде.
ПРОТИВ: Може да гребат, па затоа не се препорачливи за многу мали деца.
Куче
Постојат поборници кои мислат дека ако не сте имале куче, не знаете што значи миленик. Вистина е дека од кучето има најмногу придобивки, но за возврат мора и најмногу да му дадете. Затоа, пред да набавите куче како миленик за своето дете, добро размислете. Пред се, размислете дали вашето дете е доволно големо да може само да го однесе на шетање или да му направи храна. Избегнувајте големи раси ако идеата ви е детето да го носи кучето надвор и ако немате голем станбен простор.
ЗА: Многу голем степен на интеракција меѓу кучето и неговиот сопственик.
ПРОТИВ: Потребно е многу време и трпение за адекватна грижа за кучето.
