Секој родител се стреми да одгледа среќно и успешно дете, без разлика на тоа какви техники и стил на воспитување користи. Иако воопшто не е едноставно да знаеме што е добро, а што лошо за нашето дете, експертите откриваат дека фокусирањето на развојот на една особина најдобро поттикнува успех кај децата. Се работи за емпатија.
Имено, бројни истражувања потврдуваат дека токму емпатијата е карактеристика на успешните деца, но како воопшто можеме да ја препознаеме? Емпатијата е способност да се разберат туѓите емоции. Во развојната психологија, истражувањата покажуваат дека емпатијата е сложена и игра клучна улога во севкупниот социјален развој на детето. И кога ќе пораснеме, емпатијата е клучна за успехот во целокупниот живот, на сите полиња.
Еден од главните знаци дека детето има добро развиена емпатија е способноста да ги препознае туѓите емоции. Како што објаснуваат психолозите, емпатичните деца уште од најрана возраст можат да забележат кога некој друг плаче или е вознемирени. Некои деца и сами ќе плачат кога ќе видат друго дете како плаче или барем ќе се обидат да ги утешат.
Покрај тоа, емпатичните деца секогаш ќе бидат подготвени да признаат кога грешат, особено ако нивните постапки имаат негативно влијание врз другите. На овој начин ќе покажат дека се грижат за туѓите чувства и дека се свесни дека признавањето грешка е секогаш позитивна работа, додаваат психолозите.
