Симптомите на запек кај малите деца можат да вклучуваат:
- Болно празнење на цревата.
- Тврд измет што е или поголем од вообичаено или во форма на мали грутчиња што тешко и болно се исфрлаат.
- Тврд измет со траги од крв на неговата површина.
- Ретко празнење на цревата — обично тоа значи поретко од еднаш дневно. Но кај бебињата ова може да варира.
Новороденчињата обично имаат празнење секој ден во првите еден до два месеци. Подоцна, некои бебиња имаат поретки празнења. Бебињата што пијат адаптирано млеко обично имаат поретко столици од оние што се дојат. Како и кај постарите деца и возрасните, здравите навики при празнење на цревата може да се разликуваат од бебе до бебе.
Напнување или стенкање при празнење е вообичаено кај бебињата. Но, ако бебето се напрега секојпат, плаче и изгледа како да чувствува болка, тоа може да биде знак на запек.
ШТО МОЖЕ ДА ПОМОГНЕ АКО БЕБЕТО ИМА ЗАПЕК
- Вода или овошен сок
Кај бебиња постари од 1 месец кои имаат запек, може да се додаде мала количина вода или овошен сок во исхраната. Најдобро е најпрво да се проба со вода, но јаболковиот или сокот од круша содржат природен засладувач наречен сорбитол, кој помага при запек. Ако бебето е постаро од 3 месеци, може да се проба и со сок од суви сливи. Вашиот педијатар ќе ви каже колкава количина е соодветна, но обично се препорачува помалку од 120 милилитри дневно.
- Храна богата со растителни влакна
Кај бебиња кои веќе почнале со цврста храна, може да помогне додавање намирници со растителни влакна, доколку не внесуваат доволно за својата возраст. Такви се: грав, грашок, како и овошје како суви сливи и круши.
- Масажа на стомачето
Покрај промените во исхраната, можете да му помогнете на бебето така што нежно ќе му го масирате стомачето. Исто така, може да му ги свиткате нозете кон градите, имитирајќи позиција на чучнување, па потоа да ги испружите. Може и нежно да му ги движите нозете како да вози велосипед.
Кај бебиња постари од 1 месец кои имаат запек, може да се додаде мала количина вода или овошен сок во исхраната. Најдобро е најпрво да се проба со вода, но јаболковиот или сокот од круша содржат природен засладувач наречен сорбитол, кој помага при запек. Ако бебето е постаро од 3 месеци, може да се проба и со сок од суви сливи
КОГА ДА СЕ ПОБАРА ЛЕКАРСКА ПОМОШ
Доколку по неколку дена бебето сè уште има проблем со празнење на цревата, обратете се на педијатар.
Третманот за запек кај доенчиња може да вклучува употреба на лек во форма на супозиторија (свеќичка) што се става во аналниот отвор. Понекогаш се користат и лекови што се земаат преку уста, во течна форма или како прашок што се меша со вода.
Немојте да користите минерално масло, стимулативни лаксативи или клизми за третман на запек кај бебиња.
Веднаш контактирајте со лекар ако бебето има запек и:
- Има подуен стомак.
- Повраќа или има температура.
- Одбива да јаде и изгледа невообичаено уморно.
Во многу ретки случаи, овие симптоми заедно со запек може да укажуваат на посериозни заболувања, како што се Хиршпрунгова болест, целијакија или цистична фиброза, објаснуваат експертите од Мајо клиника.
