Многу тинејџери имаат мозолчиња и поради тоа се многу вознемирини. Главно се појавуваат поради хормонални промени и тоа е составен дел од растењето кој мора да се прифати. Една од причините за појава на акни е и генетската предиспозиција, но може да се појават и кога поголема количина на себум, односно маснотии и нечистотии ги запушуваат порите на лицето.
Најчесто се појавуваат во форма на црвени воспаленија на кожата, големи се, отечени и полни со гној. Тоа не се зрели акни и може да бидат многу болни ако се стисткаат. За време на пубертетот речиси секое дете минува низ фаза на мозолчиња, меѓутоа, тие знаат да бидат многу непријатни.
На младите, изгледот им е многу важен, па кај повеќето тинејџери првиот контакт со акните е стресен и им создава непријатно чувство. Децата кои имаат акни и мозолчиња често се игнорирани, исмејувани и потешко создаваат пријателства во својата средина (училиште). Тоа доведува да се повлечат во себе, и подоцна да станат интровертни личности.
Децата акните на лицето ги доживуваат многу поинаку од возрасните. На девојчињата во пубертетот најважен им е убавиот изглед и чисто лице, а акните ги доживуваат како пречка и огромен проблем. Тинејџерите се многу вознемирени во периодот кога почнуваат да избиваат акните, бидејчи не знаат како да се изборат со овој естетески проблем. Тоа може да доведе до уште еден дополнителен проблем, а тоа е повлекување во себе, пасивност, незаинетерсираност, тивок бес и патење, што создава ризик од појава на сериозни психички состојби и пореметувања.
Она што го сакаат тинејџерите е решение за ослободување од акните на лицето, а тука помошта на родителите е пресудна.
Мозолчињата не поминуваат преку ноќ, но за децата да имаат убаво и чисто лице потребна е пред се правилна нега на лицето, но и многу зборување, труд, трпение и волја.
Периодот на адолесценција е комплициран период во животот на детето, а ние родителите имаме важна задача – да децата во целост ги разбереме, за да им помогнеме. Најважно е да се спуштиме на нивно ниво, да разговараме и да се обидеме да размислуваме на начин на кој тие размислуваат.
Овој период на растење се дел на три групи по години:
- Од 10 до 13 години – почеток на пубертетот кога влијанието на родителите и натаму е големо, но тогаш децата прв пат се соочуваат со бројни промени или проблеми на училиште, создаваат нови пријателства и слично;
- Од 14 до 16 години – децата полека формираат свои ставови и карактер, можат како возрасните да разговараат со родителите, но не им дозволуваат многу да се мешаат во нивниот приватен живот, па доаѓа до конфликти. И во овој период се создаваат нови пријателства и први емотивни врски.
- Од 17 до 21 година – во овој период децата донесуваат сериозни и важни животни одлуки за кариерата, образованието, работата и веќе слободно може да се каже дека се формирани личности.
