Ако детето инаку е здраво, пропуштањето на еден или два оброка кога му е мачно и повраќа, нема да му наштети. Меѓутоа, важно е постојано да добива течности за да се избегне дехидрација.
- Што предизвикува повраќање?
Повраќањето е чест симптом на многу детски болести. Тоа се случува кога стомачните мускули и дијафрагмата се собираат, додека стомакот се опушта. Овој рефлекс се јавува кога се активира „центарот за повраќање“ на телото. Овој рефлекс е начин на кој телото се штити од токсини, штетни материи и други гастроинтестинални, невролошки, хормонални и психијатриски предизвикувачи.
- Како е најдобро да се спречи дехидрација
Терапијата за орална рехидратација е ефикасен и безбеден метод за спречување на дехидрација дома. Во првите 24 часа, размислете за ограничување на цврстата храна и охрабрете го вашето малечко да цица или да пие мали количини течности на секои неколку минути во текот на неколку часа. Целта треба да биде внесување најмалку 30 мл на час. Течностите помагаат да се спречи дехидрација и помала е веројатноста да од цврстата храна ќее се предизвика понатамошно повраќање.
- Како да давате течности
Можете да му дадете на вашето дете течност со шише или чаша што одговара на возраста. Ако вашето дете не може да пие од шише или чаша, обидете се да користите шприц или лажица.
Каков вид на течност треба да му дадам на моето дете?
Шест месеци до 1 година
- Неразреден мајчино млеко или формула. Ако ова не го поднесува, обидете се со раствор за рехидратација што содржи шеќери и соли. Не користете вода.
1 година и постари:
- Раствори за орална рехидратација
- Разреден сок од јаболко или спортски пијалак (половина вода/половина пијалак)
Бидете внимателни кога купувате спортски пијалаци. Тие ја заменуваат солта, но можат да содржат и големи количини шеќер, што може да ја влоши дијареата.
- Кога да се јавите кај педијатар
Веднаш повикајте лекар ако детето е премногу болно за да пие, ако стане летаргично или покажува какви било знаци и симптоми на дехидрација. Ова вклучува:
- Поретко мокрење (за бебиња, помалку од 6 влажни пелени дневно)
- Сув јазик и внатрешност на устата
- Суви очи и помалку солзи при плачење
- Прекумерна поспаност или нервоза
- Набрчкана кожа
- Кај бебињата, вдлабната фонтанела на главата
- Кај постари деца, слабост, вртоглавица при обид да стојат
- Зошто бебињата и малите деца се изложени на поголем ризик од дехидрација?
Малите деца се особено склони кон дехидрација. Нивните тела се помалку ефикасни во задржувањето течности отколку постарите деца и возрасните. Покрај тоа, нивната мала големина значи дека е потребна помала загуба на течности за да доведе до дехидрација.
