Некои деца се едноставно почувствителни од другите и тоа во никој случај не треба да се гледа како лоша работа. Да, и тие имаат свои добри и лоши страни, како и сите други, но она што може да помогне овие деца да „процветаат“ е тоа да родителите го приспособат своето однесување кон нив.
Едноставно, важно е да го земете предвид карактерот и потребите на детето и за да можете да препознаете дали вашето дете е многу чувствително, прочитајте за особините што укажуваат на тоа дека се.
Позитивни карактеристики:
- Хиперсензитивност – емотивна и тактилна
- Способност за мечтаење
- Зголемена желба за правда
- Богат внатрешен свет
- Суптилен вкус
- Развиено чувство за убавина
- Поврзаност со надворешниот свет
- Креативни таленти
- Перфекционизам
- Љубов кон животните.
Овие деца обично веќе на возраст од три-четири години се способни да анализираат некои свои постапки и да покажат емпатија кон другите.
Негативни особини:
- Чести промени во расположението
- Сомничавост
- Тешкотии во комуникацијата со другите
- Склоност кон несоница
- Потреба за постојана поддршка од возрасните
- Склоност кон често плачење
- Анксиозност
- Ниска толеранција на болка
- Брзо преоптоварување со информации и емоции
- Зголемен замор
Психолозите објаснуваат дека децата кои се многу чувствителни обрнуваат внимание на деталите, многу добро ги забележуваат сите нијанси во комуникацијата и гледаат како возрасните се однесуваат еден кон друг.
Високо чувствителните деца често чувствуваат страв, поради:
- Непозната средина
- Посети од непознати лица
- Силно светло кое одеднаш се вклучува
- Удар од гром
- Темнина
- Имаат развиена интуиција.
Она што е исто така карактеристично е тоа што овие деца имаат изразена интуиција, која брзо се развива токму поради нивната способност да ги забележат и најмалите детали. Ова им помага подобро да ја разберат ситуацијата и побрзо да реагираат на промените во околината, но и да донесат подобри одлуки и да избегнат потенцијални проблеми.
Не сакаат промени
Високо чувствителните деца стануваат анксиозни поради какви било промени, па во оваа смисла, многу може да ги “поремети“ менување на соба во домот или преселба во нов дом, менување училиште или развод на родители.
Тие поставуваат многу прашања
Високо чувствителните деца сакаат да разберат како функционира светот околу нив, па од две или три години се обидуваат да ги анализираат своите емоции. А бидејќи ги забележуваат сите детали и не ги сакаат промените, поставуваат многу прашања за подобро да разберат што се случува.
Тие се чувствителни на болка
Чувствителноста на болка зависи од неколку фактори, како што се наследноста, начинот на живот и здравствената состојба. Сепак, важна улога игра и емотивниот аспект. Децата кои се склони кон анксиозност доживуваат непријатни сензации од најмали негативни влијанија (на пример, ткаенина што не е доволно мека, промени во температурата на водата итн.)
