Ударите во глава се вообичаена појава кај малите деца, но во повеќето случаи тие се безопасни. Меѓутоа, понекогаш ударот во главата може да биде опасен и неопходен е лекарски преглед. На истото предупредува и медицинската сестра и мајка на три деца Ники Јуркуц, која на својот профил на Инстаграм ги објави знаците кои покажуваат дека на детето му е потребна итна помош откако ќе се удри.
Како што објаснува во видеото, еден од знаците дека детето треба веднаш да се однесе на лекар по ударот е ако паднало од височина која е двојно поголема од неговата. Дете кое ќе изгуби свест по повреда на главата, исто така бара итна медицинска помош, како и ако чувствува силна мачнина или повраќа повеќе од еднаш по ударот.
„Никогаш не смееме да ги игнорираме овие знаци бидејќи тие укажуваат на умерена до тешка повреда на главата, што може да значи дека мозокот на детето претрпел некаков вид на оштетување од ударот“, предупредува Јуркуц.
