Кандидата е габа која нормално се наоѓа во дебелото црево и столицата. Сепак, кога ќе дојде до нејзино прекумерно размножување, тогаш се создава проблем со инфекција. Кандида е габична инфекција, која најчесто се појавува во устата, во системот за варење и во вагиналното подрачје.
Важно е инфекцијата да се лекува и третира навреме, бидејќи во спротивно може да дојде до долготрајна инфекција и сериозни проблеми. За да се излекува, многу е важно да се има силен имунитет. Кандидата е многу упорна, но добрата вест е пто кај децата може брзо и едноставно да се лекува.
Кандидата во цревата го отежнува варењето на храната. Таа ја попречува ресорпцијата на витамините во минералите, како железо, селен, цинк. Покрај тоа, таа може да направи т.н. пукнатини на ѕидот на цревата, па тогаш несварената храна оди во крвотокот. Така доаѓа до интолеранција на одредена храна. Проблемот се јавува и поради тоа што таа отпушта и разни токсини во крвотокот, кои потоа доаѓаат и до мозокот.
КОИ СЕ СИМПТОМИ НА КАНДИДА КАЈ ДЕЦАТА?
Во зависност од тоа каде се развила кандидата, се разликуваат и симптомите:
- Тежок пеленски осип
- Бели наслаги на јазикот, усните, во устата
- Егземи на кожата
- Грчеви во стомакот што траат подолго од 3 месеци
- Потреба за слатко
- Главоболка
- Проблеми со ушите кои постојано се повторуваат
- Проблеми со учењето и раздразливост
- Кај девојчињата може да се појават и вагинални промени
ЗОШТО ДОАЃА ДО ПОЈАВА НА КАНДИДА КАЈ ДЕЦАТА?
Кога се во прашање децата, во наголем број на случаи до ова доведуваат некои лекови, како антибиотици и стероиди. Бебето кандида може да добие и на самото породување, додека поминува низ родилниот канал.
Се смета дека исхраната има многу важна улога во развојот на кандида. Слатките работи и храната што е полна со шеќери, а не е богата со нутриенти, го слабее имунитетот. Ваквата состојба на организмот е одлична подлога за развој на кандидијаза кај децата.
КАКО СЕ ЈАВУВА КАНДИДА КАЈ БЕБИЊАТА?
Кога се работи за бебињата, покрај пренесувањето од родилниот канал, бебето кандида може да добие и од мајката за време на доењето. Симптоми кои може да се појавата се бели наслаги на јазикот, непцето и внатрешната страна на образите. Вообичаено исмптомите на инфекцијата се забележуваат и на градите на мајката. Најчесто доаѓа до црвенило, чувствителност, чешање, болка помеѓу подоите или силно прободувачка болка во дојките.
