Одредени нарцисоидни склоности, како што се фалење или ставање себеси во центарот на вниманието, не се нужно знаци дека некој е нарцис. Нарцисоидното нарушување на личноста е нешто поразлично, а неговите симптоми се посериозни, се јавуваат во различни ситуации и средини и ги прават односите со другите предизвикувачки, а понекогаш дури и целосно невозможни.
Клиничкиот психолог Захари Розентал открил знаци кои може да укажуваат на тоа дека одредена личност има ваков тип на нарушување на личноста. Имено, како што објаснува, постојат девет знаци кои можат да укажуваат на нарцисоидно нарушување на личноста кај поединецот. Тоа го подразбира следново:
- претерано чувство на самодоверба,
- опседнатост со моќ, убавина или успех,
- голема ароганција,
- верување дека токму они се посебни и најважни,
- недостаток на емпатија за другите луѓе,
- барање за прекумерно восхитување,
- љубомора и завист кон другите луѓе, како и нивниот успех,
- верување дека другите им завидуваат,
- искористување на луѓето за сопствени интереси.
Нарцисоидното нарушување на личноста е нешто поразлично од нарцисоидна склоност, а неговите симптоми се посериозни, се јавуваат во различни ситуации и средини и ги прават односите со другите предизвикувачки, а понекогаш дури и целосно невозможни
Иако сè уште не е точно докажано што доведува до овој вид на нарушување, психолозите веруваат дека генетиката и воспитувањето играат важна улога. Имено, голем број научници потврдуваат дека нарцизмот се јавува уште во рана возраст и често може да биде резултат на нездрав однос помеѓу родителите и децата, односно погрешен начин на воспитување.
