Сонце, па дожд, па ќе залади, па одеднаш ќе биде топло неколку дена – овие промени им годат на вирусите кои ги напаѓаат дишните органи. Еден од главните знаци на респираторните инфекции е кашлањето.
Како настанува кашлањето?
Кашлицата е одбранбена реакција – рефлекс!
Секој рефлекс започнува со надразба која го покренува. Надразбата на дишните органи е тригер за рефлексот на кашлање. По надразнувањето, следи длабоко вдишување, оа силно издишување проследено со стеснување на дишникот и гркланот, што се слуша како кашлање. Издишувањето е неверојатно силно, така што исфрлените капки од дишните органи летаат со брзина од над 150км/час.
Постојат два основни вида на кашлица: сува (непродуктивна или надразнувачки) и влажна (продуктивна).
СУВА КАШЛИЦА
Се нарекува и надразнувачка или непродуктивна, а се појавува како резултат на директно оштетување на горните респираторни патишта. Тоа го прават речиси сите респираторни вируси, некои повеќе, некои помалку, но резултат на нив е “ранета“ слузокожа на дишните патишта.
Поради тоа, краевите на нервните завршетоци кои ја пренесуваат надразбата (рецептори за кашлица) се оголени, па детето често закрчува во нападите.
Една од најчестите причини за надразнувачката кашлица е слевање на секрет од носот во грлото и во душникот. Таму секретот се лепи, а детето се обидува да го исфрли (најчесто безуспешно).
Детето кашла во напади, а нема што да исфрли, па често болно плаче по нападот на кашлање. Понекогаш детето ќе поврати поради ваквотоо надразнувачко кашлање. Колку детето повеќе кашла, се повеќе ја оштетува ранетата слузница на дишните патишта. Поради тоа, детето повеќе кашла и така овој маѓепсан круг врти и трае се додека не се прекине и додека детето не го победи вирусот – најчестата причина за овој вид на кашлица.
Сувата кашлица ретко е следбеник на некое многу сериозно респираторно заболување кај децата, а ако детето нема висока температура, нема отежнато и забрзано дишење и е со добар апетит – речиси сигурно се работи за незагрижувачка вироза.
