Вообичено со доаѓањето на детето, доаѓаат и бессоните ноќи и пораст на расправиите и караниците во семејството. Тоа е сосема нормално, но сепак треба да се земе предвид дека децата се чувствителни и дека расправиите оставаат длабока трага на нивната психа.
Студија од 2017 година, објавена во списанието European Journal of Pediatrics, покажала дека постојаното рано изложување на меѓусемејни конфликти може да го зголеми ризикот од проблеми со менталното здравје во адолесцентната возраст.
Сепак, некои експерти за родителство сметаат дека здравите несогласувања во семејството всушност може да бидат корисни за емоционалниот развој на детето.
Советникот за ментално здравје, Саманта Бикман опишува на кој начин можете несогласувањата помеѓу вас и вашиот партнер да ги претворите во позитивна воспитна алатка.
- Несогласувањата се нормални во сите односи
Несогласувањата се случуваат секому, но најважен е начинот на кој ќе гои решаваме. Клучно е да остане смирен и да се обиде да спречи какво било сериозно несогласување кое би можело да прерасне во расправија додека децата се во близина.
„Ако рапсрвата се претвори во викање,навредување или некоја друга форма на непочитување и агресивност, децата учат дека несогласувањата се секогаш интензивни и доведуваат до вознемиреност. Тоа може да доведе до тоа да во иднина избегнуваат тешки разговори, поставување граници и изразување на своите потреби“, предупредува Бикман.
- Отворено разговарајте за тоа што се случило
Доколку расправата сепак ескалира и се претвори во расправија пред децата, отворено поразговарајте со нив. Објаснете им дека возрасните понекогаш се лутат едни на други, но дека не било во ред така да се вика и да се користат грди зборови. Отворете дискусија со нив, прашајте ги дали имаат некои прашања или како тие се чувствувале за време на расправијата, советува Бикман и додава дека е најважно да се потврди и нормализира нивното искуство.
Покажувањето на децата дека е можно да се решат несогласувањата на здрав начин ќе им помогне не само во детството, туку и во нивните идни партенрски односи.
