Немирно дете често е она што копнее повеќе за сензорна стимулација од другите, како што се движење, допир или бучава, за да му помогне на неговото тело да се чувствува смирено и фокусирано.
Понекогаш децата кои бараат сензорна стимулација прават работи кои изгледаат „непослушни“ или нарушувачки, но всушност, тие само се обидуваат да ја добијат стимулацијата што му е потребна на нивното тело. Тие можат многу да се движат, да допираат сè, да зборуваат гласно или да играат грубо затоа што нивните суштества копнеат за повеќе сензации. Не се работи за тоа дека намерно се однесуваат лошо – туку како се обидуваат да се чувствуваат балансирано. Кога ќе го разбереме ова, можеме да им помогнеме да најдат подобри начини да најдат таква игра без да предизвикуваат проблеми.
Постојат алтернативни активности за секој мал/а “немирко/а“. На пример:
- Ако забележите дека вашето дете џвака, гризе или цица, понудете му алтернатива. Посоодветна опција за задоволување на нивните сензорни потреби како што се овошје што крцка, суво овошје што се џвака, сок што се пие преку сламка, крцкави грицки или усна хармоника.
- Ако сакаат да допираат, кинат, расипуваат, кршат, нека си играат со пластелин, сликаат со прстите, си играат со вода, собираат џамлии.
- Кога се движат неконтролирано, скокаат, удираст во предмети, обидете се со скокање на трамболина, туркање тешки работи во корпа на подот, масажа.
- Ако детето постојано се врти во круг, не може да седи мирно, обидете се со лулање на голема топка за пилатес, седење на топка додека бои, или да направите патека со пречки во собата.
Потребите на таквите деца се природни, начинот на кој функционира нивниот нервен систем. Со обезбедување на здрави можности како што се движење, тактилни активности, ние ја поддржуваме нивната саморегулација и развој без да ги потиснуваме нивните уникатни потреби. Овој пристап поттикнува рамнотежа, помагајќи им да напредуваат на начин кој одговара на нивното тело.
