Интересно е дека бебињата може да почнат да икаат уште додека се во стомакот. Причината не е позната, но постојат теории дека тоа е поврзано со развојот на нивните бели дробови.
Кај новороденчињата причината е позната и се случува кога дијафрагмата се шири буткајќи го воздухот низ гласните жици.
“Новороденчето може да ја надразни дијафрагмата ако пребрзоо јаде, пие или долго плаче„, вели педијатарот д-р Џина Поснер.
Кога бебето ќе почне да ика, наједноставно е да оставите само да помине. Д-р Поснер вели дека родителите обично “полудуваат“, оти се чувствуваат лошо поради своето бебе, иако на нив тоа воопшто не им е мачно.
Икањето не е штетно за бебето, а обидот тоа да се стопира не е неопходно. Обично трае помеѓу 10 и 15 минути, а некогаш може да трае и два часа.
Ако сакате икањето да престане, забавете со хранењето на бебето. Ако пребрзо пие, бебето може да голта многу воздух што може да доведе до надуеност на желудникот и иритација на дијафрагмата.
АКо го храните детето од шише, Американската академија за педијатри препорачува да по секои осум милилитри прекинете да му давате, и да го потапкате по грбот. Ако доите, може да ги потапкате по грбот, кога преминувате на дојка.
Доколку икањето трае со денови или е многу често кај бебиња постари од 12 месеци, тогаш добра идеја е да посетите лекар. Ако бебето има подолги периоди на плачење со икање, тогаш побарајте педијатриски совет.
