За многу родители, хранењето на детето е предизвик и подвиг. Што и да направите, детето не сака да јаде. За овој проблем до некаде го надминете, истражувачи се обиделе да дојдат до заклучок како децата би сакале да им ја послужите храната за да ги привлече да ја јадат. Според резултатите, и тоа како постојат правила за тоа како храната би требало да изгледа на чинија и тие зависат од возраста и полот.
Целта на истражувањето била да се утврди дали децата сакаат храна послужена на одреден начин и дали при тоа одредена важност има родот или возраста.
Истражувачите од Универзитетот во Копенхаген побарале од 100 учиници на возраст од 7-8 и 12-14 години да изберат според дадените фотографии од шест различни јадења, послужени на три различни начини:
- Чинија со одвоена храна, така што во неа ништо не се допира
- Чинија со мешавина на одделни состојки кои биле послужени заедно
- Чинија со измешана храна
Студијата покажала дека девојчињата на возраст од 7 до 8 години сакаат одвоен стил на послужување, додека момчињата на иста возраст немаат афинитет за начинот на кој храната е уредна на чинијата. Истражувањето покажало и дека децата на возраст од 12 до 14 години сакаат храната да се меша или да се служи како мешавина на одделни и мешани состојки.
