Секако, нема да ви биде лесно да го прифатите фактот дека возрано лице за минута може да изеде цело чоколадо, додека за бебето голтањето на се што е погусто од млеко е вистински предизвик. Цицањето е инстиктивна реакција, но цврстата храна е многу потешко да се проголта. Но, нема место за паника. Овие совети сигурно ќе ви помогнат кога да преминете на кашички, и како да го храните детето – тие ќе направат да без многу мака започнете нова фаза во животот на бебето.
ПОДГОТОВЕТЕ СЕ! СЕГА!
Тогаш, кога е најдобро на бебето да воведете кашички во исхраната?
Според мислењето на повеќето стручњаци, во првите шест месеци од животот најкорисно за здравјето на бебето е исклучиво доењето. Мајчиното млеко ги задоволува сите потреби за хранливи материи, поттикнува развој на имуниот систем и го јакне бебешкото здравје. Но, понекогаш не е можно, поради различни објективни причини да се придржувате до овој “училишен“ пример во исхраната. Некои бебеиња се погладни од другите и побрзо растат, па пораното преминување на дохрана (обично околу четвртиот месец) е прифатливо. Дотогаш систем за варењето на бебето е доволно развиен и може правилно да ја разградува храната, со што и ризикот од појава на алергии е редуциран. Од друга страна, не чекајте подолго од шест месеци со преоѓањето на цврста храна, оти физичкиот и динамичен начин на живот условува кај бебето потреба за поголеми количини на железо и калории, од оние што се наоѓаат во млекото.
ДАЛИ БЕБЕТО Е ПОДГОТВЕНО?
Освен зголемен апетит во текот на денот и ноќта, постојат и други знаци кои укажуваат на тоа дека бебето е подготвено да премине на цврста храна – тоа се обидува да земе храна од вашата чинија или раце и постојано ве гледа во уста додека јадете. Бебињата јасно покажуваат дека се заинтересирани да јадат и почнуваат со устата се повеќе да истражуваат околу себе. Но, без разлика на знаците кои нсте ги воочиле кај бебето, пред преминувањето на дохрана, тоа мора да ги контролира движењата на главата, за да не се задави.
Значи, ако сте процениле дека бебето е подготвено за големиот исчекор, како треба да ја започнете новата фаза во неговиот живот?
Разбирливо, потребни ви се кашички, чинии, детска чаша и лажичка. Важно е и да бидете позитивни. Не внесувајте нервоза и напнатост додека почнувате да го храните бебето, оти тоа чувствува.
ПОЛЕКА И ТРПЕЛИВО!
Да, течната кашичка од ориз или зеленчук или овошје не изгледаат примамливо, но првиот контакт со храната е повече осознавачки, отколку нутритивен процес. Додека бебето било само на млеко, тоа било навикнати да асо јазикот притиска нанапред за да може да цица или пие од шише. Затоа, на ист начин ќе постапи и кога ќе му понудите кашичка – ќе ја потиска храната од устата. Потребни се неколку обиди бебето да сфати кои движења на јазикот обезбедуваат задржување на храната во устата, како и голтањето. На почетокот ќе биде доволно една-две лажички, еднаш дневно, за бебето да ја извежба техниката на џвакање и голтање. Нека тој момент за бежба биде тогаш кога и вие и бебето сте најопуштени. Експертите препорачуваат тоа да го правите еден час пред времето предвидено за спиење на бебето, за да не биде уморно, ни премногу гладно.
