Во една неодамнешна студија објавена во списанието Nutrients, американските научници од Универзитетот Масачусетс го процениле влијанието на внесот на храна на мајката врз мајчиното млеко, како и врз цревниот микробиом на доенчињата.
Инаку, човечкото млеко е важна променлива во развојот на цревниот микробиом на доенчето. Речиси 88% од родовите се слични помеѓу мајчиното млеко и столицата на доено дете, што укажува на директен пренос. Покрај директниот пренос на млечните микроби, доените деца исто така добиваат и хранливи материи, имунолошки клетки, излачени протеини, антитела и олигосахариди од човечко млеко (HMO), кои можат да влијаат на цревниот микробиом на доенчето. Поради значајната поврзаност на мајчиното млеко со цревниот микробиом и здравјето на доенчето, важно е да се препознаат факторите кои влијаат на млекото и го менуваат микробиомот на доенчето.
Резултатите од истражувањето покажале дека консумирањето храна кај мајката има негативно и позитивно влијание на микробиомот на млекото, како и на цревниот микробиом кај доенчињата.
Се смета дека идните клинички испитувања треба да утврдат како внесот на храна кај мајката може да го подобри цревниот микробиом на доенчињата.
Извор: Nutrients
