Ако сте мислеле дека килограмите кои сте ги добиле во првата бременост никако не влијаат на втората бременост, сте погрешиле.
Истражувачи откриле дека нездравата, односно преголемата тежина за време на првата бременост може негативно на влијае на следната бременост, дури и ако мајката во првата бременост не доживеала никакви компликации.
Студија открила дека постои зголемен ризик од неповолен исход во втората бременост ако мајката во првата бременост имала преголема или премала телесна тежина, дури и ако немала никакви компликации во таа бременост.
При тоа биле следени над 100.000 жени во период од 1989 до 2005 година.
Жените кои биле со вишок килограми за време на првата бременост, имале за 40 проценти поголем ризик дека со следната ќе родат дете со премала родилна тежина и 20 процнети поголем ризик да родат предвреме.
Компликациите во втората бременост биле уште повеќе изразени кај жени кои биле гојазни и кога прв пат забремениле.
Тие жени имаат дури 45% поголема веројатност да родат изразено големо бебе, а 156% поголема веројатност дека ќе се соочат со прееклампсија и 85% поголем ризик дека ќе бидат принудени да родат со царски рез.
