Секој месец, помеѓу 6. и 14. ден (кога циклусот трае 28 дена), хормонот FSH го стимулира растот на фоликулите во јајниците. Од 10-тиот до 14-тиот ден, еден од фоликулите развива целосно зрела јајце клетка. Околу 14-тиот ден, хормонот LH го активира ослободувањето на таа јајце клетка. Јајце клетката потоа патува низ јајцеводот до матката. Во овој период се зголемува нивото на прогестерон, подготвувајќи ја матката за можна бременост.
- Како доаѓа до зачнување?
Зачнувањето настанува кога сперматозоидот се спојува со јајце клетката која е ослободена и патува до матката. Како што се движи, оплодената јајце клетка почнува да се дели: прво на две клетки, потоа на четири итн. Околу една недела по оплодувањето, клетката стигнува до матката и станува бластоциста, со околу 100 клетки.
- Болка за време на овулацијата
Следниот чекор е имплантација, кога бластоцистата се прицврстува на ендометриумот. Хормоните естроген и прогестерон го задебелуваат ендометриумот, овозможувајќи му да обезбеди хранливи материи неопходни за развојот на бебето. Овие хормони му сигнализираат на телото дека бебето се развива во утробата.
- Кога имате најголема веројатност да забремените?
Јајце клетката живее само 24 часа, додека сперматозоитите можат да преживеат околу 5 дена. Ова значи дека сексуалниот однос неколку дена пред овулацијата може да резултира со бременост, бидејќи сперматозоитите можат да преживеат во женскиот репродуктивен тракт до моментот кога јајце клетката е подготвена. Најголеми шанси за зачнување се на денот на овулацијата и три дена пред тоа.
- Кои се симптомите на овулација?
- Некои жени може да почувствуваат мала болка
- Базалната температура е малку покачена
- Секретот станува поводен и попроѕирен
- Може да се појави благо крварење
- Градите стануваат почувствителни
- Либидото се зголемува
