Надеж во време на криза – пандемија на коронавирус – време кога е особено битно да се пласираат позитивни вести. Една од нив е сторијата на 99-годишната Рита Рејнолдс, за која се верува дека е најстарата личност во Велика Британија која се опоравила од коронавирусот, пишува „Гардијан“.
Тајната на оваа прабабичка која успеа да го победи Ковид-19 е во сендичите со мармалад, на шега велат од нејзиното семејство.
Рита Рејнолдс, од Брамхал во Стокпорт, се разболела од коронавирус на 25 март, а на членовите на нејзиното семејство им било кажано да се подготват за најлошото откако нејзината состојба се влошила
Персоналот во домот за нега на стари лица „Abbeyfield“ се грижеле за неа верувајќи дека доаѓа крајот, но наспроти сите предвидувања и очекувања, старицата како што велат медицинските сестри, успеала да закрепне.
Хенри Филипс, една од внуците на Рејнолдс, изјавил: „Бев сигурен дека тоа ја чекаше. Таа има 99 и толку е очигледно дека е изнемоштена – никогаш не помислив дека има начин таа да се опорави од коронавирусот. Но, се чини дека го стори токму тоа“.
Тој на шега додаде: „Сè уште не знам како помина низ сето тоа. Мислам дека никогаш нема јадено зеленчук или овошје. Таа живее на сендвичи од мармалад и бисквити. Но, никогаш не пушела или пиела“.
Рејнолдс била возач за време на Втората светска војна, а на 21 година преживеала бомба што „слетала“ пред нејзиниот дом во Ливерпул криејќи се под масата, откако одбила да влезе во засолниште, бидејќи сакаше да ја чита својата книга.
Таа едвај чека да наполни 100 години во јули.
